.........أووووص أبوي نايم..........

حلا الدنيــــــــا

نزلت من السيارة بسرعة وطرقت الباب ، وأول ما فتحت أمها الباب هلا والله نوف ، وين أبوك ؟
نوف : أبوي داعد يعدل السيارة
أم نوف : وشلون نزلتي ؟ ( تسألها بعد ما حضنتها وشالتها معاها للصاله ) .
وترد عليها نوف وهي تمسح على شعرها : أنا دلتله أول نزلني وبعدين عدل السياره بس يمه دولي حد عمر يروح يساعد أبوي ، يالله ياعمر بسلعه نددل اغلاضي بسلعه .
ام نوف : أي أغراض يانوف ؟؟
ردت نوف على امها بعد ما راحت تنطر بنص الممر : الحين تسوفين ابوي سنو دابلي ، العاب وملابس وبيجامه وصندل حلوووو لونه وردي ويدول في الليل بوديني الصالون يدص سعلي .

بالليل ; ;

ام نوف : الله اشحلاتها بنيتي وش اسم هالقصه يانوف ؟؟
نوف : يدول الحلاد اسمها تاريه بس صح صرت حلوه يمه ابي نفسك حلوه .
وراح ابو عمر يتوضا ويصلي وام عمر للي هي ام نوف تحضر العشا وبعد العشا وعلى الشاي
أم عمر : هاه يابو عمر وش هالصحبه مع نوف من اليوم !!؟
ابو عمر : والله يا ام عمر وش اقولك هذي البنيه احس انها غير ، انتي لو سمعتي سوالفها معي طول الطريق وضحكاتها مع الناس ولا لو شفتيها وشلون تمسكني اذا دخلنا بازحمه ، وعورة قلبي يوم قالت : يبه خلك معي لاتروح بعيد ... بصراحه حسيت بشي غرييييييييب ، والله اني احبكم يا ام عمر .
ام عمر : هاه .. ابو عمر وش السالفه عسى ماشر انت ابونا ونور بيتنا اكيد احنا نحبك اكثر وعساك ذخر
ابو عمر : الا نوف نامت ؟
ام عمر : ايه لمت العابها بسريرها ونامت ، بس لو شفتها وهي لابسه لبس الصلاة وتصلي ياعسى ربي يحفظها ويخليك لها ان شاء الله ..

وبعد 3 أيام ; ;

ابو عمر : نوف يانوف ..
نوف : هلا يبا .. انت وينك من زمان أدور عليك ؟؟
ابو عمر : توني جاي واحس اني تعبان شوي تعالي حبيبتي سليني شوي لين تجي امك .
نوف : امي دات يبه وداعده فود مع عمر بس الحين ينزلون ، ادعد سوي وارتاح بلوح اديب لك ماي
ابو عمر : عفيه حبوبتي بس مو بارد حيل
وراحت نوف غسلت الكاسه عدل ونشفته وصبت فيه الماي وذاقته لقته بارد شوي وزادت عليه من الماي العادي علشان يصير زين ..
نوف : يبه .. يبه ، سفيلك دبتلك ماي
ابو عمر : مشكوره حبيبتي ... نوف يابنيتي هالله الله بالصلاة وبامك وقولي لعمر يدير باله عليك زييين ، كان ابو عمر منهك ولونه شاحب وشعر برجفه .
نوف : يبه سفيك بردان ؟؟ بروح اديبلك سرسف .
رجعت نوف لابوها وغطته بعد ما تمدد وما تدري ان روحه فاضت لبارئها وراحت امها واخوها عمر
وقالت لهم : أووص ابوي نايم ....

عيون الغرام

اختي حلا قصه مره حلوه

والاحلى ابهااا جايه منك

"لاخلا ولاعدم منك يالغلا

آسٌِِّيَرٌٍ عًٍيَوٍنْهٍَآ

©{« مـ همس القوافي ــشرف »}©
-=¤§ البرنس §¤=-

لاحول ولاقوه الا بالله


اختي حلا الدنيا


قصه رائعه

يعطيك العافيه عليها

لا خلا ولا عدم

حلا الدنيــــــــا

مشكووووووووووووورين ع المرور..

صمت الشوق

يسلمووووووووووووووووووووووووووو على هذي القصه الحلوه تقبلي مروري ...خلود...