موااااقف مضحكه من الاطفال؟؟؟؟؟؟؟؟؟
واول الموقف ..::
تقول وحده من الأمهات .. كنت معزومة على حفل عشاء فأخذت ابنتي الصغيرة معي ،فلما جلسنا حول
البوفيه ظنت انه مطعم وقالت بصوت عال :
(هذا الأكل بفلوس و إلا ببلاش)
؟؟ فضحكوا عليها الحاضرات.
والثانية تقول.... جانا ضيوف وجابوا معهم هديه للمولود الجديد فكان ابني يريد فتحها
فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع ....
(خلاص أبفتحها شكلهم بينامون عندنا!!!!)
وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت لولدي حب رأسها
فرفض وقال : ( ريحة رأسها شينه !!!)
-يقصد الحناء- شوفوا الإحراج اللي صار لي ...!!!
وقالت آخره. جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ،
و لما قلت لها عيب ردت وقالت ( شكلها شغالة).
و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت
له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم
( لا تخلصون العشاء لأنا بنتعشى أنا وأمي بعدكم ) !!!
شوفوا وجه أبوه وقتها ....!!!
ووحده تقول ....بنتها دايم تحرجها بنقل الكلام قدام الناس – هذا عيب اللي يحش
بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها
ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت
لها : تفضلي وجتها بنتي الصغيرة وقالت بصوت عالي :
( يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!!)
تقول الأم : صار وجهي مية لون ....!!!!
ويوم سمعت جارتي هذا الكلام زعلت وطلعت من البيت ....!!!
وأيضاً في المدرسة ...طفلة في الروضة كانت تعبث بأنفها أثناء الحصة ....
فانتقدتها المعلمة وقالت لها استعملي المنديل عيب اتسوين كذا فأجابت الطفلة
(لا مو عيب !! بابا يسوي كذا !!!!)
وايضا اخره تقول
جاءولدي بيكحلها عماها ...دعيت العائلة للعشاء عند أحد أقارب الزوج وأثناء تناول
الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع.. فرد الطفل بلهفة
لإنقاذ أمه من المأزق ....
(( لا تحطين لها صحن ثاني ترى بابا يقولها لا تكثرين أكل انتفختي !!! ))
ومن لديه موقف محرج يذكره لنا هههههههه
حلاوتــــــــــــــــي زايـــــــــدهـ
|
