والله وفيك الخير يا جـرح الايـام
والله وفيك الخير يا جـرح الايـام = والله لاموت وموقفك مـا نسيتـه
خاويتني والعمر خمسة عشر عام = وش عاد باقي فالوفاء ما عطيتـه
يا كبر معروفك وياكبـر الاحـلام = وفيَـت معروفـك وانـا ما وفيتـه
مازخرف صدور الورق غير الاقلام = ولاشَين السان الرجاء غير ليتـه
ليتك وهم وعاملك مثـل الأوهـام = وليتك زعل وأموت أنا ومامحيته
أنت العطا يوم العطا عـوّد أرقـام = في وقت لاوقته.. ولا البيت بيتـه
والله ماني لانتهـى الوقـت لـوام = ولكن ضحكني حزني اللـي بكيتـه
معاهدك باللي ضمن رزق الأيتـام = لعطيك كل اللي بعمـرك رجيتـه
حتى خفوق راحت ضلوعه اقسـام = أخذه أن كانه فـي محلـه لقيتـه
|
العرض العادي
