****البارحة كلمتني بنت*****

’’ .. مجــرد آحســاسـ .. ’’

****البارحة كلمتني بنت*****




البارحة كلمتني بنت مبلية
معاملتها بصراحة معي تعبانه

قالت سلام وقلت آهلين بابنيه
قالت بغيت البنات وقلت غلطانة

قالت بلاشي دلع ..رح ناد بدريه
وكان هي نايمه صوت لسلطانه

قلت ابصراحه تران اعزوبيه
والكل منا يابنت الناس في شانه

قالت بغيت اسولف وإذا تسمح شويه
انا قبل أتصلبك كنت طفشانه

قلت أهرجي زين و صفي النية
وأنا بسولف علاج بنية زانه

قالت بغيت أسألك وش بعد سوريه
والهند كانك ذكي وش كثر سكانه

قلت بصراحة ما اعرف إلا البجاديه
و اعرف من حد مكة الين غيلانه

قالت تحب؟؟ وقلت أحب اللي حوليه
وأحب ربي وأحب الكينج واخوانه

وأحب ديني وأحب ارضي السعودية
محبة..محبة ما عطاها الخل خلانه

قالت بضحكة ورا أخلاقك تجاريه
انا أصلا يوم اسولف معك خسرانه

وأنت بدويا متعرف الرومنسيه
وكل بدويا حياته مالها خانه

قلت اسمعي يابنت إن كنتي طبيعيه
والظاهر انك يابنت الناس سكرانة

انا بدويا ماحنيت الرأس موليه
إلا لربي عزيز الجاه سبحانه

حنا بدو.. بدو وان ثارت الهيه
نثبت للي خالط البارود دخانه

حنا بدو بدو دايم نارنا حيه
نزعل لي سكر راعي البيت ببيانه

********
ترا لها تكمله بس هذا اللي قدرت اسمعه واكتبه لكم

تحيــــــاتي

المغرم

مجاراها حلوه جداً
تسلمين يالمها على النقل
وياليت تقدرين تجيبين الباقي
مع أن هناك أخطاء أملائيه وبيوت مكسره
بس ماعليش اللي يجي منكم حلو
تقبلي تحيات المغرم

برنسيسة السعودية

مشكوة وتسلمين

!! بعثرات نرجسية !!

–•(-• (المراقبة العامة) •-)•–

صح لسان قايلها وتسلم لنا يدك اللي خطتها بالمنتدى
الله يعطيك العافيه ولاعدمنا طلتك غلاي

’’ .. مجــرد آحســاسـ .. ’’

اقتباس: المشاركة الأصلية كتبت بواسطة المغرم    مجاراها حلوه جداً تسلمين يالمها على النقل وياليت تقدرين تجيبين الباقي مع أن هناك أخطاء أملائيه وبيوت مكسره بس ماعليش اللي يجي منكم حلو تقبلي تحيات المغرم

ههههههههههه المغرم هذا اللي سمعته وكتبته وزيييييييين يوم طلع على شكل ابياات هههههههه

وتسلم لي ع المرور نووورت الصفحه وانشاء الله اسمعها مره ثاانيه و احااااول اطلع لي كم كلمه :-)

تحيــاتي