شباب كلنا نعرف انه الشاب (شاب لو حليب ) من يبدي يتعلم السياقة اغلب الشباب
يبوكون سيارات الوالد حتى ياخذلة فرة على الحاتة (حاتة بيت الله )مالتة
فما بك ان تفعل عندما تجد صعوبة وانت بامس الحاجة لهذه الفرة ؟ نيااااااااا
يا اخي المواطن ان سرقة سيارة الوالد هية من اهم المقومات لتعلم السياقة بطريقة سهلة وسريعة
وهذه اهم الاشياء التي يشترط عليك ان تفعلها لنجاح العملية
من يرجع الوالد للبيت اول شي تستقبلهة بروح عالية ودكللة
هلا يابة الله يساعدك وتتلوكلة (طبعا هوة ميكون بالشغل يكون ديسردح على البنات )
كللة ها يابة خلي احضرلك الغدة لان ماما نايمة
فانت تروح كل البطل تسولة غدة بعدين حيستغرب حيكلك شنو هل نشاط ؟ كللة مو اني احبك بابة
طبعا راح يكون عينك على السويج مال السيارة شوف وين مخلي
بعدين سويلة جاي او كهوة مثل ميريد يشرب هوة
وخليلة حباية فاليوم بس خفيفة مال نص ساعة (طبعا على كد الفرة مالتك )
بعدين راح يحس بالنعس فانت كللة راح افرشلك حتى تنام لان طبعا والدتك نايمة وهوة
متعارك وياهة فميكدر ينام بالغرفة جوة فراح تفرشلة بغير غرفة
من ينام شغللة الاركندشن او سبلت (ضروري يكون من نوع يونيون آير ) لاتفهموني غلط
لان هذا النوع من السبلتات يخلي الواحد ينتعش ويبقة نايم
بهل اثناء الوالد راح يروح بيهة وراح ينااااااااام
انت مد ايدك بجيبة واسحب السويج من عندة
بعدهة تخابر على الحاتة وكللهة اوكفيلي براس الشارع مالكم فد عشر دقايق واجي عليج
حتكون هية مانتكتلك ومخلية عطر هذا نص دينار ومسرحة شعرهة وهل اشياء
ها وحتكون مخليتلك حمرة همين من هاي مال امريكا (لاحضوا الربط )
وطبعا حتكون هية همين منومة اهلهة بالفاليوم لان متكدر تطلع من البيت بسهولة
في هذه الاثناء شراح تسوي عزيزي المواطن (المودب )
حتكون السيارة بالكراج مو تشغلهة وتطلع لاااااااا
بوشهة واستعين بصديق من الشارع وكللة بلكت تدفع وياية نوصلهة لراس الشارع
من توصلون مسافة عن البيت
شغل السيارة حتى الوالد لا يسمع صوت المحرك وبعدين روح على الحاتة حتكون تنتضرك
صعدهة واخذلك فرة واخذلك بوسة من عدهة وضوك الحمرة مالتهة شوف من يا نوع مخليتلك اخاف مو من هاي مال اميركا
ورة ما تخلصون هل سوالف وصلهة للبيت
وبعدين ارجع للبيت بكل سهولة وراسك بارد طبعا لان بكل تصورك انه الوالد نايم
بس فجاءتا تلكة الوالد براس الشارع واكف ولازملك عودة مال ماسحة المهم راح تشبع كتل وتفوت للبيت
شنو عبالك خلصت الكتلة ؟لااااااااااااا
من يصعد الوالد يروح للشغل مرة لاخ راح يلكة الجنطة مال الحاتة ناسيتهة بالسيارة
راح يرجع عليك ويفوتلك للغرفة والله اليستر
بس المهم انت اخذت اللي تريدة و وصلت للمطلوب واستفاديت هواية اشياء (هم فرة وهم تعلمت شوية تسوق واهم شي البوسة )
وتهون الكتلة في سبيل القبلة
تقبلو تحياتي اخوكم المعلم الفاسد نيااااااااااااا
شعارنا (نصل بكم الى اعلى درجات الفساد وباقل الاسعار )
عندما تريد ان تسرق سيارة والدك ماذا تفعل ?
العرض العادي
