(ادفنوها والكفن ثوب الزفاف)

مجنونها · 26-12-1428هـ, 08:00 مساء

زينوها وإدفنوها والكفن ثوب الزفاف/

غصب عنها زوجوها وسلموها للغريب

مجبره ماشاوروها قصدهم شرع العفاف/

مادروا إن البنيه مغرمه ولها حبيب

جهزوها وهي تبكي وترتشف دمع إرتشاف/

وخبروها إن موعد الفرح منها قريب

مالقت أحد فهمها وهمها ناظر وشاف/

إن حكت باللي سكنهامالقت لها مجيب

وكانها هي وافقتهم جرعوها الزعاف/

حالها من فعل أهلهاصار محزن ومريب

والحفل قرب وقامت ترتجف خوف إرتجاف/

كل يوم تقول باكر الفرج بإذن الرقيب

باكر يمكن يفهمون قصتي بآخر مطاف/

جا باكر ثم عدا وجا بعد باكر عطيب

وعلقوا عقد الإناره وإحتشد فرد وآلاف/

أيقنت إن الجرح جرحها ماله طبيب

وإنها لازم تطيع أمرهم وترضى الجفاف/

جو لها والدمع يغرق جفنها الحلو الرطيب

قالوا ياالله إلبسي ثوبك اللي للزفاف/

كفنوها وفي نظرهم زوجوها للأديب

فرشوها الهم دايم والأسى لها لحاف/

ياحسافه دخلوها والحشا يغلي لهيب

وأحكموا قيد البنيه وإسجنوها بإلتفاف/

وادتعتهم وهي تقول حسبي الله الحسيب

رحلتي ماهيب طويله ورجعتي بعد القطاف/

سافرت عن دارأهلها وقلبها خطر وصويب

سافرت مع منهو خطفها من أمانيها الضعاف/

خايفه مستوحشه والعرق منها صبيب

وقلبها ينبض بذكرى ماضيه فيها إختلاف/

حاولت ترضى بقدرها وللحدث هي تستجيب

بس عيت تقتنع وعشقها ذاك الضفاف/

هوسألها جاوبيني ليه دمعاتك سريب

ليه لي ماتنظرين وأنازوجك شخص واف/

قالت بنبره خجوله أنا في وضع رهيب

غصب عني زوجوني وإطعنوني بالرهاف/

هو سكت لحظة تأمل وش أسوي يامجيب

عقله وقلبه نطقها صاحب النخوه يعاف/

قال منهو غير حبي يسكن بقلبك نجيب

من تولى عرش قلبك إهتني به ياعفاف/

وباكر الرجعه تراها وإمسحي الدمع العجيب

خايف إني أمسكك وأقترف ذنب إقتراف/

إضحكت ضحكه وقالت مابعد هالطيب طيب

الله يجازيك عني بالأجر ويسر الطواف/

إرجعت وقالت رجعت ياأهل الشرع الغريب

بنتكم جتكم ولكن من بعد ذل وحساف/

وإبعثت مرسول عاجل أنا جيتك ياالحبيب

النذر اللي نذرته صار وافي يامناف/

إجلست يوم وتأخر لارساله ولامجيب

وعقلها يمه تشتت وبدت بالغيبه تخاف/

مرها طفل صغير وإسألت عن الصحيب

قال مات ليلة زفافك وإندفن بعد الزفاف/

ناحت بحسره وطالت الليالي والنحيب

وودعت قبل اللقاء حلمها الزاهي وطاف/

إقتلوها مرتين وشابت ماقبل المشيب

إنشا لله تعجبكم القصيده (اخوكم مجنونها)

نقـــلت

~أحبكـ~ · 26-12-1428هـ, 09:28 مساء

وااااااااااااو قصيدة رووووووووووووووعه يعطيك العافية

مجنونها · 26-12-1428هـ, 10:03 مساء

يسلموووووووووووووووووووووووووووووو
ويعطك الف عافيه ع المرور

أحلام · 27-12-1428هـ, 07:49 مساء

القصيدة بصراحة بجتني شوي وايد مؤثرة و حلوة
تقبل مني تحياتي...

مجنونها · 27-12-1428هـ, 09:02 مساء

يسلموووووووووووووووووووووووووووووو
ويعطك الف عافيه ع المرور

(ادفنوها والكفن ثوب الزفاف)

بيت القصيد