هذا أنا جيتك بسولف يا (هند) من حر ما بي
فضفضة .. أو بوح .. مدري!! المهم جيتك وأنا
ضايق بالي وصدري ما قوى يحمل صوابي
والأمل ما بان نوره ولا لمحت عيني سنا
جابني يمك ثقل الهم يوم انه دوى بي
اجحده والموت كنه داخل عروقي دنا
والمصيبة يا(هند) واشلون بشكيلك عذابي؟
دام صار الهم شايب .. وصوت بعيونه ضنا
من بعد المفارق طال ليلي والتوى بي
كل حزن الكون فيني وزاد بي كثر العنا
فارقني من يبيع الناس ويتمنى اللقا بي
والخطا ماهو خطاه وكنت انا اول من جنى
اعترف اني خطيت بحقه وهذا جوابي
كان ودك بالحقيقة يا(هند) خذيها هنا
(( صعب تخذل من يحبك .. وهو أول من هقا بي
إني اجمع كل بسمة واتناصفه المنى
غرني طيشي ومشيته .. ولا هو اللي مشا بي
ولا وعيت الا وانا اهدم صرح من عشق انبنا))
والله اني ماندمت من الطفولة لشبابي
لين حبل الوصل شفته بوسط ايديه انثنى
ليته يغفر خطايا يا(هند) بالي جرى بي
بعدها ما غط جفني لا ولا قلبي اهتنى
وليته يرجع ويجمع مابقى او مابقى بي
واحلف بربي ماازعله الى يوم الفنا
تكفين ياهند وصلي له الرسالة
