لوعة الحب
الغلا قصه عجيبه تبتدي بضحكة عيون...
قصة فارسها مشاعر نابضه باغلى غرام...
نصها كلمة(احبك)ياحبيبي للجنون......
تنطلق من قلب عامر بالمحبه والسلام.....
هذي هي قصة غرامي يوم جيتك ياحنون....
مابقى شي بكياني غير حبك باحترام؟؟
جيت لك تضحك شفاهي بابتسامات الجفون.......
جيت لك والقلب غارق في عبارات الكلام.......
ماتصنعت المشاعر لاجل ابرهن من اكون؟
كان همي اني اصل ساحلك يااغلى مرام......
ابتسم ساعة اشوفك وانسى ايام الشجون......
واتخذ لاجلك مساحه في مواعيد الزحام؟؟
لاتلاقينا وشفتك قاسي الغربه يهون!!
والفرح يسري بدمي ويخترق صلب العضام.......
وان تفارقنا دقيقه مالت اوراق الغصون.......
والدقيقه في عيوني شفتها الفين عام؟؟
الغياب!!ياهو غيابك صبلي كاس المنون.....
اشربه ظلم وتجني وارتويبه بانصدام......
الغلا ماهو حكايه تعتبر ضمن الفنون......
الغلا عشته بقلبك ياقمر وسط الظلام؟؟
لو درا بصادق غرامي الغدر حرم يخون!!
ولو يعيشه كل مذنب التزم بعد الحرام!!
والبلابللو تحسه زادت انغام اللحون......
وبه تغنت واهتفتبه وغارت اسراب الحمام.....
والبحر لو قاس حبي صارت امواجه سكون.....
وقال اناقطره وجف وابهر احلام الانام......
حتى قيس اللي تصدر قايمة اهل الجنون؟؟
واللي اهل العشق اخذو من(اساطيره)وسام......
ماوصل عشقه بليلى مرحلة ضم الحضون!!
ولاتحدى في غلاها لذة انفاس المنام.......
وعنتر وعبله غلاهم باهت ماله اي لون!!
بعد ماشخصت قلبي حبهم فيه انفصام!!
كل حب غير حبي مثل همال المزون......
يستمر وقت السحاب وينتهي بعد الغمام......
وكل شعر غير شعري مايفي باللي يبون.......
تكتب حروفه احبك ونيته بالانتقام........!!!
اتحدى....واتحدى.....واتحدى من يكون؟
ان قلب"غير قلبي(حبه صادق)بالتمام......!
وان كلامي ماعجبهم يفعلون مايشتهون!!
يمكن لاشافوا ولاي عندهم ينشا اهتمام...؟؟
الغلا قصة وصارت بيني وبينك(جنون)
حكيتها بشعور قلبي قبل مايبدا الكلام.......
الغلا واقع اعيشه معك مايرضى الظنون؟؟
واقع اجمل من خيال واقع نبراس الوئام......
بطابـــــــــــــــــــــــــــــك"
قبل انتهي كانك لاحساسي تصون!!
ان لحظات التواصل نغتنمها اغتنام......%
مانبي الايام تمشي والمشاعر يلهثون!!
والخطاوي الهاويه في سراديب الخصام؟؟
والامانه في النهايه ياحكي حب العيون؟؟
لافهمت حروف شعري ضمها بعد الختام%%%
وسلامتكم وانشاء الله تنال اعجابكم احبائي اللي في المنتدى وشكرا
|
.gif)
العرض العادي
