من صولاتي وجولاتي ( اخذ وخل )

بسم الله الرحمن الرحيمـ


بدوون لف ودوران انا انساان جااي ابي انزلكم موضوع جديد <-- اكيد تنزل موضوع اجل تبيع طمااطـ


نرجع بكمـ خمسين سنه ورى ونشووف الدلخ يامسطول كيف ينلعب عليه بكلمتين وهو صغير



من زود البثااره فيني وانا صغير صرّفوني اهلي وانا صغير بحصّاله وقالوا جمّع فيها وإذا كبرت تراها تنبت وتكبر وتصير كبر الصراافه ومن زود الحماس صرت اعطيها سماد طبيعي وانتاجه محلي لأنه ثاني درس في رابع ابتداائي كان عن هالشغله ومع الوقت انا اكبر والحصّاله يزيد خيااسها وكنت احط الزايد من مصرووفي وبعضن من قراطيس الكتكاات فيها ويوم صرت في ثاني ثانوي ضيعت مفتاح الحصّاله وكانت ثقيله مرره لدرجه اني اضطريت اني انسجن سبع سنين عشان اتعرف على مجرمـ ويحل لي لغز هالحصّاله <-- لله في خلقه شؤؤن


المهمـ يومـ صرت في ثاني جاامعه قدّر الله وانفكت الحصّاله لدرجه اني بغيت امووت من الفرحه وترووح للورثه <-- يافرحه ماتمت

و يوم فتحتها واطالع فيها الا فيها فلووس على عهد الملكـ فيصل يوم كانوا يحاسبوون باليورو وفيها خفاافيش معشعشه

جلست احسب اللي لي واللي علي و كان فيها من ضمن الدراهمـ قطعه ذهبيه اخذتها وجلست اعرضها للبيع ووديتها للآثار واشتروها مني بخمسين الف وانا اجلس احركـ مخي وانا اسأل نفسي وش تسوي فيها يامسطول قلت مابدهااش دامـ وضع السياحه بالسعووديه يفتح النفس وومنووع دخول العزااب قلت خلني اروح اغير جوو في مصر






وانا ادق على خويي ورفيق دربي مشعان <--( اسمـ مستعار للتمويه) وقلت اسمع يامشعان جهز عمركـ بكره بنروح لمصر قال ماعليش انا ضد السياحه الخارجيه قلت اجل خلكـ على برنامج الصيف والناس وإذا بغيت تخاويني ارسلي كوول مي

بعد ثلاث ثوااني قرر انه يخاويني <-- ( اسرع قراار في الشرق الاوسط ) وتقابلنا في المطار وقصينا التذااكر والبوردنق الا هو جايني مسوي لابس تكميله ومطقمـ بفنيله اهلااوي وسروال اتحاادي ومنشق من عند الركبه وكاتب ورى الفنيله ( اااه ياحمززه )

الوكاد اخذت اقرب كيس زباله ولفيته فيه عشان اتلاافا الموقف اخاف بكره الا صورنا طالعتن في احد الجراايد وقالبينها كرااكتير على الهواء مبااشره

سحبت له من سروايل دروووش اللي عندي في الشنطه وقلت غير لبسكـ الله ابووكـ وركبنا الطيااره وهو يشووف وحده من المضيفات وهو يحبها واشغلني يقوول اخطبها لي قلت ياخوي هذي مرتبطه مع كابتن الطياره وكل شوي وهو مناديها ومسوي يعرف انقليزي يقوول ابي سيم سيم هذا ويأشر على واحدن جنبنا يشرب عصير برتقاال المهم مشعان صار فيه ضيق في التنفس ماهوب متعووّد على الطيارات حده النقل الجمااعي وماخذن عليه تخفيض من اقرب جمعيه خيريه اثر الخبل فتح الطااقه عشان الهوواء

شوي الا اشووف الدنيا ربكه والملااحين حالتهم حاله واللي يقوول البس طووق النجاه واللي يقوول تشهدووا وانا من زود الخووف متوزي تحت الكرسي <-- لو انه حاامل وقتها كاان سقط علبه ببسي من الخووف

بعد خمس دقاايق الا يوم سيطر الكابتن على الموقف وادوّر مشعاان الا ماالقااه وادوره الا القاه في غرفه الكابتن وجالس يحب رااسه يقوول بيض الله وجهكـ ياللحيه الغانمه


ويالله سحبته من الطياره كاان يبي ياخذ رحله الاياب عشان يشوف هالمضيفه مرتن ثانيه





وصلنا يحمد الله ارض مصر العضيمه مصر ام الدنيا <-- يا اني باكبر في عين الاعضااء المصاريه


ووواقفين عند الجوازات والامن يفتش شوي الا يومـ لقطوا مشعان وقاموا يفتشوونه وكل ماجيت ابي اعرف وش صار عليه قالوا هذا قضيته مطووله قالوا عطنا رقم جوالكـ واذا خلص يدق عليكـ
قمت واخذت تاكسي على اساس انهم ماراح يلقون وراه الا الدجه وبيدق علي ويجيني وانتظر اول يومـ ثاني يوم ثالث يوم ماجاني اتصاال



وانا من الوناسه ومن البسطه نسيت شي اسمه مشعان اجل واحد في مصر ويشووف الزين تبونه يذكر مشعان الوجه الودر






يوم جااء خامس يوم قلت خلني ارووح اسهر في مرقص الصن ست واجي المرقص واحجز طاوله وانادي حق الطلبات واطالع في وجهه واقوول هالوجه ماهوب غريبن علي هههههههههههههههه الا هو مشعان وتعالوا شووفوا اللحظه الحزينه اللي مرينا فيها.. فيها دمووع وفيها عنااق حاار واخذه عندي على الطاوله قلت وش صار عليكـ قال ضيعت الرقم اللي انت عطيته الامن ومامعي فلووس قلت مالي الا اشتغل عشان اجيب قيمه تذكره الرجعه قلت له طيب وليه مسكووكـ قال شفت علبه البودره اللي معي حقت اززاله العرق قلت ايه قال يحسبونها هرووين ويوم فحصووها وتأكدوا منها طلعوني وفقدت الامل اني بالقاكـ.. قلت له الحين وش السوواه وش الحل قال انا موقع عقد مع المرقص لمده خمس سنوات قمت وسددت الشرط الجززائي اللي عليه في العقد وطلعته من عندهم وعلى طول على اقرب طياره في الخطوط العربيه ورجعنا للسعوديه





مايستفااد::



1) مشعان كابتن طيار في الخطوط السعوديه



2) ديرتن ماتعرف فيها احد شخمط فيها وانت منسدح



3) لا احد يستهين في الحصّاله تراها تطلع ذهب


4) سالفه لي رجعه والخراابيط هذي لا احد يقوولها <-- شين وقوي عين