قصه زواج عدنان ولينا

أكيد تعرفون عدنان ولينا زين ...بس حبيت أكمل لكم القصة وآخر أخبارهم
القصه
.................... ..........

عدنان تزوج لينا بعد المسلسل على طول وعاشوا في الجزيرة المفقودة
اللي هي جزيرة جد عدنان بس قبل ما يتزوج لينا صارت أحداث.. ..

كان الدكتور رامي قبل لايموت موصي لينا انها ماتتزوج عدنان الا لما يلبس ثوب وغتره ويصير رجال ويخلي عنه الشطانة ولا يضرب احد خصوصا الجنود (لأنه يحب يدخل معهم في مشاكل)
يوم جا عدنان يخطب لينا من عمته اللي بجزيرة الأمل
تذكرونها اللي طاحت على بيتها قذيفة من مركب الرماية حق القلعة اللي تسوقها سميرة .


المهم يوم جاء يخطبها قالت له لينا: انا ياعدنان احبك بس جدي رامي الله يرحمه موصيني انك لازم تلبس ثوب وتصير رجال *

قالها عدنان يابنت الحلال انتي تبغي تزوجيني والا تبي تزوجين ثوبي أهم شي الجوهر المهم قالها ان الرجال بأخلاقه مو بمظهره ومن هالكلام . المهم لينا مااقتنعت
قالت : بس ياعدنان جدي رامي الله يتغمد روحة الجنه
موصيني بهالوصايا وأنا آسفة ياعدنان إذا قلت لك انا ارفض الزواج منك لما تحقق وصية جدي .

المهم عدنان تعرفونه راسه يابس وهو بنفس الوقت يحب لينا موت مشى وطلع من بيت عمة لينا حتى القهوة ماشربها طلع وهو معصب

يوم جاء يبغى يركب قاربه يبغى يرجع لجزيرة جده قابلة القبطان نامق وعبسي وقالوا له وش فيك ياعدنان ليش معصب قال :

-ابد مافيه شي بس لينا ما هي راضية تتزوجني وعلمهم بالقصة* جاء نامق وبدأ يقنع عدنان.

وقاله: ان الزمن تغير وبنات هاليومين ماليهم الا رأيهم فأنت البس ثوب وتزوجها
وبعد ماتتزوجها افصخة قال عدنان: تخسي الا هي.. انت تعرف يابو حبش - نامق جاه ولد من سميرة وسماه حبش تيمنا بأحد بحارته اللي ماتوا وتخليدا لذكراه)


المهم قال عدنان :
يابو حبش انت تعرف اني مأحب الثوب انا راعي كشتات وصيد وشطانه والثوب
يضايقني . و بنفس الوقت كان عبسي مشغول عنده ضفدع يلعب به جا وقال لعدنان :

اسمع يابعد عمري ياعدنان - عاد انتو تعرفو عدنان يعز عبسي- قاله اسمع انت لازم تتزوج لينا لا بكرا تروح عليك البنية ترا نمرو هالخبيث يخطط عليها - طبعا عبسي منقهر من نمرو لأنه مارضي يزوجه اخته أميره- المهم بدأ عدنان يلين شوي وقعد يفكر وحسبها زين

وقال:

ايه والله باكر تروح البنية واتوهق انا واضل عزابي . جاء ابوحبش وعبسي وقالواله:
امش يارجال ارجع خلنا نخطبها لك قال عدنان : اوكي يالله .
المهم

عدنان اقتنع
وراح يخطب لينا من عمتها
وطبعا
البنية ماصدقت ..

هذا عدنان اللي فك العالم من علام وشره..
الحب الأول والأخير...

المهم انها وافقت على طول وقرروا الزواج..
وتدرو ان عدنان مفلس ماعنده يدفع لمصاريف الزواج.... بس جماعته ماقصروا ...
دفعوا له كل واحد اللي يقدر عليه:
نامق تكفل بمصاريف العرس وجاب البحارة والطباخ يشتغلوا فيه..
وعبسي تكفل بالذبايح..

وفارس -عم لينا - خبير المتفجرات تكفل بالألعاب النارية
والباقي جابوا الرز ونصبوا الخيام..
وتم العرس وزفوا عدنان على لينا وكانت الجزيرة كلها فرحانة
وفي وسط الزفة تهاوش عبسي ويا نمرو لأن عبسي سرق كم بقرة من عند نمرو وذبحهم حق العرس.. وبعدين أبو حبش ويا عمروس فاككوهم وصالحوهم

وقال نمرو : فدوه لعدنان ... بس عبسوه الحرامي لو يطفر مازوجته اختي أميره .


المهم
تزوجوا أخيرا وعاشوا في سبات ونبات وخلفوا صبيان وبنات