*•~-.¸¸,.-~*المحبــــة فنــــون*•~-.¸¸,.-~*
*•~-.¸¸,.-~*المحبـــة فنـــون*•~-.¸¸,.-~*
ليت كل القلوب اللي تحب بجنون
تعرف إن المحبة جنة في هجير
كل دمعة غزيرة لأجل غالي تهون
لأجل شوف الحبايب كل قاسي يسير
لي حبيب أحبة والمحبة فنون
كل ماأذكر غرامة من غرامة أطير
ما عشقته رياح ولا عشقته سكون
نسمه داعبتني تمتزج مع عبير
فوحها من غرامه تحتويني بهون
كيف ما يحتويني حب قلب كبير
إن زعلت وتراخت هامتي والمتون
مد كفه..وطبطب..وقالي :مايصير
ابتسامه محبه وارتعاشه جفون
ترسم الكون فرحه من هنا ..للأخير
عن شتاتي بلاد ..وعن همومي حصون
صرت فارس بلاده..والأمير الأسير
قلت له:لا تغيب وقال لي :كيف أكون
قلت :عطني يدينك حس قلب كسير
خايف الحلم يفنى بين هم وظنون
وخايف اليأس يحفر قبر حلم صغير
وخايف الدمع يصحى من مهاد العيون
وخايف أصحى و أشاهد واقعي والمصير
ضمني حيل أنا محتاج صدر حنون
مدري ايش صار فيني بس ماني بخير
للشاعــــــــر/عبد الله العقيلي
تحيتــــــــي
|
