السلام عليكم ورحمة الله تعالى وبركاته
انا جايبة ليكو موضوع مهم جدآ علشان العزائم والمناسبات اللذيذة الجميلة ..ودة يعتبر اول موضوع ومشاركة لي في المنتدى الرائع..أتمنى انه يعجبكوا ان شاء الله.....
طبعآ قبل ما بيجوا الضيوف ودة طبعآ لتلبية تناول الغذاء او العشاء ففي شوية حاجات أساسية علشان العزوووووومة تنجح ولازم ربة البيت تراعيها هي بقة شوية النصائح دي :
انك تتاكدي ان كميات الطعام الموجودة كفاية لعدد الضيوف المدعوين على الغذاء او العشاء علشان مفيش حد منهم يشعر انه ممكن يحتاج المزيد من صنف معين مثلا ومش يلاقيه
..
وكمان لازم نراعي الاعتدال يعني متكتريش قوي ولا تقللي قوي بس تزودي البساطة والتلقائية علشان الضيف ميشعرش انه عبء على ربة المنزل (عليكي يعني)..
بعد كدة واجب عليكي طبعآ انك تصحبي ضيوفك لغاية السفرة (المائدة) يعني عليكي انك توجهي كل واحد لمكانه وطبعآتبدئي بالسيدات اولآ طبعآ تعملي دة بكل رقة..
بعد كدة بقة لازم انتي اللي تكوني اول واحدة قاعدة على السفرة (جالسة على المائدة) وتدعي طبعآ الباقي على الجلوووس ..
أثناء تناول الطعام والضيوف بيتناولوا الطعام يعني لازم على اصحاب البيت ان يكرروا الدعوة لتناول الاصناف تشجيعآ لضيوفهم على تناول المزيد من الطعام على ان هناك في بعض الاصناف مش هتتكررتقديمها مثلآ زي الحساء والسلطة والجبن بس مش معنى كدة انك تحرجي الضيف اللي بيجهل القواعد وبيعيد طلبها
..
وعايزة اعرفك كمان انه من الاتيكيت ان اصحاب البيت ميبدئوش بمغادرة المائدة وبالنسبة الطعام لازم ميتمش بسرعة شديدة او ببطء شديد عليكي انك تتنبهي الى ان ضيوفك لا ينقصهم شئ وان المقادير الموجودة كافية تمامآ ...على فكرة لازم كمان تعاملي ضيوفك معاملة واحدة بلا اي استثناء ولا مجاملات طبعآ احد دون الآخر علشان مفيش حد من الضيوووووف يحس باي احراج..
اذا كسر حد من الضيوووف اناء او كوب مثلآ او سكب اي شئ على المائدة فعلى ربة المنزل( عليكي انتي)يعني انك تتحملي دة ومتظهريش اي نوع من الغضب او المدايقة او انك تبرمي المائدة بالعكس لازم تحتفظي بابتسامتك دائمآ......
..
في بعد كدة شوية اساسيات هبقة اجيبها ليكوا الموضوع القادم
بس اتمنى انك تردوا على موضوعي وتدوني رايكوا فيه بكل صراحة ووضوح ودة برده هيشجعني اني اكمله تحياتي ليكواا
...
قراته في كتاب لذيذ من فترة واستفدت منه حبيت اخليكوا انتوا كمان تستفيدوا منه..
منقوووووووووووووووووووووووووووووول
العرض العادي
