السلاااااااااااااام عليكم
اخباركم وش مسوين وش علومكم أكيد مشتاقين لي كيف الصيفيه معكم زفت زينا صح
طبعن وبما إنا في إجازه والواحد فااضي وماعنده شغل ولا مشغله زيي تطلع له افكار
الدنيا من الطفش مثلن يعني يفكر انه يشرب ببسي بلبن ولا ياكل بيض بزبادي ترا
ماسويتها ابدن ابدن ولا بهي افكاري بعد <<< فضحت عمري
وطلعت لي افكار كثيره وقرقارت كثيره بس قلت يابنت اتفلي الشيطان بس الشيطان
عي مايتفلني
الموهم طبعن وبما اني هالايام قرقرت (( قررت )) اني اشد حيلي واجتهد في دراستي <<< بعد وشو يالفالحه
لا لا العب عليكم انا قرقرت وياليتني ماقرقرت اني اقلق ابو ابوي وابو امي وابو جد جدي
(( لاحد يقول وش دخلهم أنا متأكده إن لهم دخل )) عشان العيله يسفروني بعلمكم كنت
ثالث ومكبوته طول العام << والله ثالث اللي كان مكبوت مو انتي
قرقرت اني اقلقهم لين يسفروني ان شاء الله لو يحطوني في الربع الخالي يومين
ويرجعوني اهم شي اسم اني طلعت من البيت
وبعد محاولاتي ورجاءي لاهلي باني اريد السفر الي ربوع مملكتنا التي باءت بالفشل
وكل ذا بسبب التقديم للكليات كل مااقولهم نسافر يوم كذا وكذا قالو لا وراك تقدمين في
كليه كذا اللي يسمعهم يقول اني ماخذه نسبه ميه بالميه ياخواني حتي امي لما درت
بالنسبه قالت ياحبني لي يابنت انتي وش تسوين هنا حتى هنا في البيت مانقبلك الا انتساب
يعني لا أشوف وجهك كل يوم سامعه
وانا اقول افا يأمي اخرتها تجحدين بنتك حبيبتك قالت ماعندنا واسطات اقضبي الباب ولا
اشوف وجهك الا في الاختبارات
الموهم قرقرت <<<اخلصي اقلقتينا
ايوه قرقرت <<< تحس ان في ماوس ورا الشاشه بيصقع خشتها بعد شوي
قرقرت اني اقعد بالبيت واغسل المواعين واكنس الصاله والمقلط والعوض ولا القطيعه
والوقايه خير من العلاج ورب اخ لك لم تلده امك <<<تبي تقول إنها تعرف امثال
النهايه مافي سفره وانطقيت في البيت وشربت ببسي بلبن واكلت بيض بزبادي
**مايستفاد **
* إذا بتذاكرين ذاكري قبل الإجازه
* إّذا قالوا لك هلك مافي سفر عشان التسجيل قولي علي مين ؟؟ التسجيل صار إلكتروني
*إذا جبتي نسبه زي وجهك لاتعلمين أحد حتي أمك
أهم قرقاراتي !!!
