يتوهن الخُطا ويدوّر السـاري علـى عنــــوان
وطريق الألف ميل بنظرتي يبدا من النيّـه..!!
انا هذي اساساتي ولو أخسر ... انا الكسبـان
عملت اللي علي والـرزق عنـد الله وبأيديّــه
تعال نفضّها سيره / ونتفائل / تـرى الأنســـان
ماراح يشوف خير ونظرتـه للنـاس سلبيّــــه
وكيف يعيش واحد من حياته كلهـا (زهقـان)
وهو في داخله يملك حيـاه , وروح عصريّـه
على ماتشتهي خذني معك ياحضرة السلطـان
انا شعبـك مـدام ان الخطايـا منـك عفويّـــــه
أنا ماني حزين ولو تشـوف بعالمـي احـزان
ولاهو عابس ٍ وجهـي ولا اخلاقـي تجاريّـه
وكيف احزن وانا احسك معي في معظم الأحيان
وتحيينـي بكلمـاتـك اذا جـــــت لا إراديّـــــــه
صحيح الزين مايكمل ... وصدقني ماني غلطان
ولكن الجمال / يكون كامل .. وانت بـك زيّـــــه
|
العرض العادي
