الموت إنـك تحـب انسـان مهـوب يمّـك

04-Jul-2009, 01:21 AM

الموت كـل المـوت لقالـوا المـوت
إنـك تحـب انسـان مهـوب يمّـك

لكن تعال اسمع قبـل فايـت الفـوت
عنـدي رسالـه والمعانـي تهـمّـك

إن جيت ينبض لك غلا القلب بسكوت
وإن غبت أداعب طيف زولك وألمّـك

حبك معي يغني عن الشرب والقـوت
وصدق الغـلا بيـن المحانـي يضمّـك

لك منـزلٍ بيـن المعاليـق منحـوت
أغليك وأرخص كـل منهـو يذمّـك

لك الغـلا تـدري موثّـق ومثبـوت
وجازيتني بالصـد يـا ثقـل دمّـك

وأنا الغريق اللي على لـوح تابـوت
ضاعت مجاديفـي علـى شـط يمّـك

ياما زعجت الصوت ويرجع لي الصوت
ميت ضمى وأنا علـى جـال جمّـك

هذا شعور اللي عزف لك على النوت
آخـر رسالـة كـان نزفـه يهمّـك..

مع تحياتي مخاوي الهم

فلها وربك يحلها · 05-Jul-2009, 04:09 PM

تسلم يمناك وصح لسان شاعرها
تقبل مروري المتواضع

أمـيره بكلمتي · 05-Jul-2009, 05:47 PM

صح لسان شاعرها

وتسلم مخاوي على هالنقل

تحياتي:
اميره بكلمتي

القسم المميز لهذا الأسبوع	الموضوع المميز لهذا الأسبوع	المشرف المميز لهذا الأسبوع	المراقب المميز لهذا الأسبوع	العضو المميز لهذا الأسبوع
مقاطع You Tube	لا تقتلوا الطفوله للدكتور عائض القرني	Laet San	‏×× آفوقـ آلوصفـ ××	قيس470

الموت إنـك تحـب انسـان مهـوب يمّـك

بيت القصيد