السلام عليكم ورحمة الله وبركاته
كل شخص يحمل مشاعر داخله ويحاول يعبر عنها بطريقته
الشاعر يعبر عن مشاعره بقصيده والغالبيه بداخلنا شاعر
لكن يحتاج منا معرفة بالشعر عشان نقدر نعبر عن مشارعنا بقصيدة
بعطيكم اساسيات كتابة القصيدة :
1- الفكرة : لابد يكون عندك فكرة تبي تكتب عنها
شوق - فراق - لقاء - حب - كره - عن الام والاب - عن موضوع اجتماعي
والمواضيع كثيرة .
2- تحاول تترجم مشاعرك الى ابيات وليس بالضروره تكون القافية
وحدة اكتب مثل ما تطلع معك بعدين عدل القافية بكلمات مرادفة للي كتبت
او تستبدلها .
3- وزن القصيدة للتسهيل كيف تزن القصيدة لحنها على اي لحن
يعجبك لو من راسك وطبق اللحن على الابيات كلها اذا مشى اللحن
مع الابيات كلها فقصيدتك موزونه واذا حسيت انه فيه نشاز يعني عندك
كسر بهذا البيت وحاول انك تعدله .
اللي يبي يتعمق بالموضوع يدخل على هذا الرابط
نصائح قبل البدئ في إنشاء قصيده
حطيت هالموضوع ابي اللي منكم وده يكتب قصيده او عنده محاولات
شعريه ويبي يتعلم يكتب هنا ثلاث او اربع ابيات
وراح اعطيه الملاحظات اللي على قصيدته
بعدين يعدلها ويكتبها مرة ثانية وثالثة لين تضبط معاه .
الرجاء عدم التعليق ع الموضوع (الا) اللي عنده محاوله شعريه
وشكراا
هنا .. بتصير شاعر
