احترقت اعصابي

وحيد بلا حبيب

الا يالله يا إلّي تفتح لدعوى الداعاة أبواب..
طلبتك لا تضيّقها عليّ وتقفل أبوابي..
أبي ذكر يجمّلني مع الأقراب والأجناب..
ولا تكسر شموخي في عيون أعداي وأصحابي ..
لو انها تنحسب في ضربة المخلب وعض النّاب..
أنا متغدّيٍ بالوقت من قبل يتعشّابي..
أجابه حظّ،والا حزن،والا حب،والا أحزاب..
عموما باستمر أوقف جبل ويطيح شذّابي..
ثمان سنين وانا أطمح وخمس سنين وأنا أرتاب..
إلين أقفوا عليه أهل القفا وأقفى وقفّابي..
وُضع قلبي على جمر الغياب وذاب حتّى ذاب..
وساح،وساح،وساح،وساح،وساح وطيّر أسرابي..
لماذا والأّ ليه وكيف والاّ شلون عنّي غاب؟؟..
وانا وجودي وجوده فالبلد وغيابه غيابي..
احبّه كثر ما شفت الخيانه في عيون أصحاب..
واحبّه كثر معقول الدّواهي تحسب حسابي..
واحبّه كثر ماقفّى عن عيوني بدون أسباب..
وكثر ما أملاله أكواب الغلا وينثّر أكوابي..
أنا رجّال ما يؤمن بقول إنّ الزمن غلاّب..
يغلبوني رجال ولا الزّمان يصير غلاّبي..
عليك الله وامان الله وستره يا ابيض الجلباب..
ترى ما بيّ يبيك ولا تزعّلني على ما بي..
تعبت أعلّقك بين النّجوم وتطلع الكذّاب..
وتعبت أوسّع الخاطر معك وتضيق بي ثيابي..
ما عاد أضنّي أتجمّد على صدرك رضا وانساب..
بعد ولّعت لك سيجارتي واحترقت أعصابي..

منقووول

تركي الرياض

صح لسان ابن علووش
,
,
ولاهنت ع الاختيار وحيد
,
لا عدمنااك