لماذا ندعي عليهم ولا ندعي لهم بالهدايه والاسلام
انا ماانكر من ردت الفعل الي شفناها من الكل وحتى مني انا شخصيا
بس ليه ماندعي لهم بالهدايه مو افضل للجميع
في ناس يدعون على الكفار بقول اللهم اخفس بهم الارض اللهم احرقهم اللهم دمر امريكا واخفس بها الارض ووووو ............ الخ
الواحد يا اخواني لاجاء يسلم يسلم على كلمه طيبه مو على سب وشتم
الدين الاسلامي دين سمح ويسر مو عسر ليه مانطبق هالكلام
ياكثر الكفار الي اسلمو من خلال اسلوب لين بالتعامل مو لما اشوف كافر اكشر في وجهه واعقد حواجبي
هو نفسه الكافر راح يقول هذا دين عنصريه وفي الاصل دينا دين السماحه والود ليه مااقبله بأبتسامه وكلام كله دعاء بالهدايه والله وصدقوني راح يفكر طول الوقت في الدين
في كاس العالم ياكثر الي اسلمو من خلال حركه دايم نشوفها يوم سجل سامي الجابر هدف والكل سجد سجود الشكر وراحو الكفار سألوا عن السجود والسبب واسلمو الي سألو والنص عجبه الدين ولاكن مااسلم والله يعلم يمكن الايام الجايه يسلم فيها
الحين في ناس استغفر يدعون على الكفار اللهم انتقم منهم اللهم اقضي عليهم وتلاقون عيالهم مايصلون والي مايصلي كافر بالشرع لان العهد الذي بيننا وبينهم الصلاه من تركها فقد كفر
ماشفناهم يدعون على عيالهم لان قلبهم مايسمح لهم
اتمنى ان المعلومه وصلت لازم الواحد يدعي للكفار بالهدايه وان الله يحبب قلوبهم للاسلام ولازم يكون اسلوبنا معهم رقيق وحسن لان هذا يحببهم بالدين ويجعلهم يسألون عنه
لماذا ندعي على الكفار وامريكا
