حي شبرا شارع الابراج شارع عائشه
--------------------------------------------------------------------------------
اولا بسم الله الرحمن الرحيم والحمدالله رب العالمين
ثانيا اشكر المنتدى من كل قلبـي على ماواجهته من اريحيه في التسجيـل والانظمام لهذا البحـر الغزير بمواضيعه واعضائه وكتابه
تعتبر ذي اول مشاركه لي بعالم المنتديات بصراحه انا لااعرف في النت الا ادخل شات او اقرى جرايد الرياض وبما انها اول مشاركه حبيت اشارك بقصه لـي افضل اكتبها باسلوبي ويمكن امزجها باللغه العربيه مع اللغه النجديه او السعوديه عامه للتأثير :
أولا نبذه تعريفيه عن الكاتب الاسم : محمد ... العمـر :27 عام الوظيفه : موظف باحدى الوزارات
المؤاهل : الثانويه العامه تقديرجيد جدا مع شهاده حاسب من عام2000م لم اكمل الجامعه يقوولون مافيه مكان لك قلت طيب امركم السنه الجايه الطول 178 الوزن70 /69 الشكل الخارجي :الحمدالله وسيم وأكثر والحمدالله ماشاء الله
المهمم القصـه كانت قبل خمس سنوات 1422هـ من سكان حي شبرا بيتنا وحينا خلف جزيره الاحلام
كان لنا جار (جدار بالجــدار) والجار موظف بأرامكو بالشرقيه والدوام سلم واستلم احيانا بالشهر مايداوم
من عرفت الدنيا وهذا جارنا
انا من صغر سني
اتحمل واصبر واثق من نفسي ومن كلامي واقدام على الشي بدون تردد لوكان كبير اتحمله والحمدالله لي تاثير نوعا ما على اصحابي والحاره
لدرجه اني معروف اسال راعي البقاله قول وين فلان يقول شوف هذا بيت
كنت اوصل اغلب نساء(حريم)الحاره
احيان اتقضى لهم خضار او مقاضي مو بالتموينات الي بالحاره اروح اجيبها من مكان ثاني
او اشتري تيوس او اوديهم بعد اتصالهم على الوالده للاسواق او للمشاغل النسائيه
حتــــــــى سيارتي والله اغلب سكان الحي يستخدمونهاا والحمدالله
طيبه وعلى طول وبسرعه يمونون علي الناس مدري ليه
حاولت اصير عكس كذا بس ماقدرت ضاق صدري قلت ارجع زي اول لان ربي خلقني طيب والحمدالله رب العالمين المهمم
كان وقت الظهر جارنا في عمله بالشرقيه
ابوي بجده ببيتنا الي هناك يصلحه كان باول عطله الصيف
انا توي صاحي اغسل وجهي بمغاسل الرجال اسمع صوت الامام في اخر ركعه من الصلاه
قلت اتوضع واصلي بالبيت
شوي وقب طفى الكهرب رحت لمي جالسه
قلت - وش فيه
قالت - ماادري دقيت على راعي البقاله
قلت - الكهرب طافي عندك
قال - نو
قلت - طيب عندك لبن قال ايه اغلقت الخط طلعت برى لقيت واحد استغفرالله اكيد ربي غاضب عليه شفت سيارته جلنت(بك اب) كهرباء الوسطى
قلت : خير وش فيه
قال : سددو غلطان يااخ مسددين ماعمره انفصل المهم
قلت : تاكد وتاكد و طلع العداد الي بجنبنا مرسل لفصله(عداد جارنا) شغل عدادنا وراح بيفصل عداد جيرانا
قلت : لاتفصل الكهرب
قال : ليه
قلت : راعي البيت مهب فيه
قال : وانت وش عنده ياسوبرمان قلت في نفسي(لوني سوبرمان شبكت الاسلاك براسك)
قلت : جارنا ولي دخل بوجهي
قال : الله يهديك .. امين
المهم شد وشد بالكلام
قـال : انت وش تبي
قلت .. بالعربي ماراح تفصله اتصل على الطوارى جات سياره اخرى
قالو : وين المعترض كبرو السالفه
قلت : ياخي ماني معترض البيت فيه حريم واطفال والاخ يبي يفصل الكهرب وراعي البيت مهب فيه قـــال واحد فيه خير متاكد
قلت : اكيـــد
قال : وين راعي البيت
قلت : مسافر للعمل
قال : طيب بنعطيك مهله(48) ثمانيه واربعين ساعه يومين تسدد ولا نفصله
قلت : ذى الكلام الزيـن ،،، شغلو بروحون
قلت : تقهوو
قالو : نو
قلت : الله يوفقكم ،،،،،،
رحت أجيب البن مانسيت راعي البقاله بسروالي والفنيله والفوطه على راسي
رجعت للبيت
صليـــت تقهويت مع أمي الحبيبه جلست أتابـــع التلفاز
آتــــــى موعد الغــــــــداء
دقو علي اهلـــــــــي يعزومني للغداء لانه بطبعي ماعمر اهلي حطـــو أي شي ولقوني بالبيت
تغديت وطلعت
رجعت بعد العصر
لقيت جــــــــــــارتنا وأنا داخل نــــادت لي
تعال ياولدي ...(قلت في نفسي ماشاء الله لي امين يعني والدتين)
قالت : ماقصرت والله علمك غانم يامحمد
وقد أخبرت أمي بالي صــار ....... الي حيرني كيف عرفت ..؟ احترت بعد ماراحت
سالت امي
قالت : كانت ورى الباب هي وعيالها يسمعون صوتكم المرتفــــع أنت ويا راعي الكهرب
مافتحو الباب من الخوف
رجع الوالد ورجع ابوهم وخبروه بالي صار
عزمني لليله خميس باستراحه عشاء وانبسطنى والحمدالله .. جاني اتصال بعد فتره اذا اعجبتكم القصه وتبون اكملها عاادي امرو بــس
|
