بعد مكالمه مده 7ساعات اكتشف انها خاينه

بسمة خجل

©{« مـ عالم المسنجر ــشرفة »}©

القصيده منقوله للشاعر/جابر هايف العتيبي

اخليكم مع القصيده ,,,,,,,,,,,,,,,,,,,

سبع ساعات اسولف واتكلم واستخف دمي

وهي تسمعني وتضحك ومبسوطه على الأخر

::
سبع ساعات اعلمها عن احزاني وعن همي

واسولف عن حكايا الطفل كان وصار هالشاعر

::

سبع ساعات تتساقط حروف الصدق من فمّي

على صحرا مسامعها سحاب العشق متناثر
::

سبع ساعات وتحلف لي براس العشق وتسمي

تقول انت الوحيد اللي ملكني حبك الساحر
::

سبع ساعات ونادتني بأسمه ما هو بأسمي

تناديني فهد واسمي انا ياللاسف جابر
::

تشنج كل شيٍ كان حولي ومسمعي يدمي

ركز خنجر فهد في مسمعي من صوتها الخادر
::

تخدّر فكري وجسمي وذاب بداخلي عظمي

وصرت اسمع صدى صوتٍ يردد غلطة الشاطر
::

يردد غلطة الشاطر بعشرة واقعي وحلمي

وترددها زوايا غرفتي والواقع الغادر
::

كثير اصوات شقت جلدي اللي يحتضن عظمي

وصراخ الباب والدولاب والشباك والساتر
::

وونات القلم والدفتر اللي يلتفت يمي

وخايف وش ابي اكتب بوسطه من هنا لـ باكر
::

وكانت ساكته وصوت النفس من خشمها و خشمي

ربع ساعه وبحة صوت قالت: خير وش صاير
::

وطرا في بالي عبدالله وخالد واحمد ونشمي

ولآخرهم فهد تسعه وانا مدموغه العاشر
::

وقلت ابداً مغير الخير ولكن امسحي رقمي

اكيد انه فهد جالس سبع ساعات وهو ناطر
::

وقالت لي: رجاءً او اقولك.. طير ياعمي

مسوي حضرتك في هالزمان العاشق الطاهر
::

وقالت لي: اقول! وقلت: انا بقول وذا علمي

عجب هالناس وش هالناس تخطي وبالخطى تكابر
::

انا يابنت بنثر لك حياتي واجمعي لمّي

بعضه بنثره في مسمعك هالحين ومن خاطر
::

ترا عمري انا تسعه وعشرين وكذا رسمي

ولكن عشت ايامي دبلها مقبل وعابر
::

اصيل وكل اصيلٍ مايبي مدحي ولا ذمي

وسبع انعام في هالناس اخص الحامد الشاكر
::

انا من نجد وربعي هم عتيبه وخالي الدحمي

وبرقا لحمي ودمي وانا من روق ومع ناصر
::

انا جابر ولد هايف وسلم الطيب هو سلمي

ابو الي مربيني على الجزلات واتفاخر
::

انا راعي مجاهيمٍ يشع بفخذها وسمي

وراعي خيل وراعي بير وبيتٍ مبغضه كافر
::

على الرمضى ابت رجلي بأرضٍ عاشقه ضمي

وشمسٍ تشرق وتوقف على راسي وانا صابر
::

عرق وجهي يصب وامسحه بشماغي وكمي

وألد عيوني عن ناسٍ سرقني يمها الناظر
::

وانا شاعر ولو اكتب عجز كل فكر في نظمي

ولاني بالغرور احكي ولكن واثق وقادر
::

وانا رجال هاوي للقمم ويقودني عزمي

وابي ارقى على راس الجبل وانتي مع الحادر
::

عرفتي ليه انا طاهر؟ لانك همي وغمي

ولان الدنيا في عيني جبل نرقاه ونغامر
::

يابنت الناس شفتي كيف بليّا سلاح مانرمي

ولانوقف بوجه البندق المليان ونخاطر
::

خلقنا الله بشر بعقول وذا واقع وذا وهمي

وكلٍ يتبع مراده وفينا رابح وخاسر
::

وقالت لي فمان الله شعلت النار في جسمي

فمان الله يالطاهر ومثلك قله ونادر
::

ورحت آخذ كتاب الله واحلف بالكتاب:" امي

لو ان اسمي فهد بالله ماكان احلى من جابر..!!؟

منقووول

آسٌِِّيَرٌٍ عًٍيَوٍنْهٍَآ

©{« مـ همس القوافي ــشرف »}©
-=¤§ البرنس §¤=-

سبع ساعات وتحلف لي براس العشق وتسمي

تقول انت الوحيد اللي ملكني حبك الساحر
::

سبع ساعات ونادتني بأسمه ما هو بأسمي

تناديني فهد واسمي انا ياللاسف جابر
صح لسـآنــه
يعــطيك آلــف عااافيــه حلآوتي زآيدهـ
نقل جميـل وممـيز
احسنتـي بـآلآختيـآر
ومشكوووورهـ على الابيـآت المميـزهـ والجميله الررااائعهـ
تقبلي مروري

بسمة خجل

©{« مـ عالم المسنجر ــشرفة »}©

شرفتني بمرورك الكريم وردك

التي اعجز عن الرد عليها لحلاوتها وعذوبتها

تقبل ارق واصدق التحيه

نادر الجمه

مو شرط تكون خاينة يمكن اي واحد اسمه جابر تسميه فهد !!
هههههههههههه << سلامات
قصيدة رائعه اختي حلاوتي
ونقل راقي وحس مرهف
لاتحرمينا من جديدك
تحياتي ,,

كــــلي حزن