قصة عذاب الحب وناره

برونو

السلام عليكم
شخباركم ؟؟

هذي قصة عجِيبة شفتها في منتدى وحبيت انقلها لكم






في الدنيا هناك أفئدة معذبة..
تصرخ وبكل ألم: أخرجوني من عذاب الحب وناره..
>
>
>
>
>
>
خالد: مساء الخير يا أحلى أم في الدنيا..
أم خالد: مساء النور يا أغلى ولد في الكون..
خالد: أف أف في الكون كله مرة وحدة.. كدا عاد كتير علياَّ ما اقدر اتحمل..
أم خالد: حبيبي إنت تسوى الكون باللي فيه..
خالد: والله من جد ؟ّ.. أخاف أخد في نفسي مقلب بعدين.. أمي أنا جيعان أبغى لقمتين أكلهم وأنام.
أم خالد: ولا يهمك يا .. إنت أطلع بدل ملابسك ونادي حنين وتلاقوا الأكل جاهز..
دخلت أم خالد المطبخ عشان تحضر الغدا.. أبو خالد توفي من 3 سنين.. وخالد كان دوبوه متخرج من الجامعة وقتها.. اشتغل خالد وصار هو يصرف على أمه وعلى أخته حنين اللي عمرها 16 سنة..
وعلى الغدا اجتمعوا كلهم..
خالد: ها حنونة بشري ايش سويت في اختبارك؟
حنين: الحمد لله ماشي..
أم خالد: لازم تشدي حيلك يا بنتي أول ثانوي ضغط وصعبة شوياِّ..
خالد: الله يهديك ياأمي كدا خوفتي البنت..
حنين: أصلاً أنا خلقة خايفة.. ماما بعد الغدا أنا رايحة عند خالتي أم فواز..
أم خالد: الله معاكي حبيبتي..
بعد الغدا راح خالد يرتاح في غرفته وراحت حنين لعند خالتها.. دخلت حنين..
حنين: السلام عليكم..
أم فواز: وعليكم السلام..
حنين: اهلين خالتي كيفك؟
أم فواز: الحمد لله انتي كيفك؟ ايش اخبارك؟ كيف خالد وأمك إن شاء الله طيبين؟
حنين: الحمد لله كلنا بخير.. خالتي فين البنات؟ نايمين؟
أم فواز: لا حبيبتي البنات فوق..
حنين: طيب وفواز موجود ولا عادي أخد راحتي؟
أم فواز: لا والله فواز مسافر..
حنين: أوكيه أنا رايحة فوق عند البنات..
طلعت حنين فوق ودخلت على البنات..
حنين: مرحبا بنات كيفكم؟
مي وندى: بسم الله انتي ايش جابك عندنا؟
حنين: يعني تبغوني أطلع؟ أوكيه مش مشكلة يلا باي..
مي: حنونة يلا تعالي انت عارفة انو احنا بنمزح
حنين: أصلاً حتى لو انتو ما تبغوني أنا جاية عشان أشوف ناس ويا خسارة طلعوا مسافرين..
ندى: آها قولي كدا من الأول يعني مو جاية عشاننا..
حنين: عشان غيركم وعشانكم كمان..
ندى: يعني هو أول؟
حنين: طبعاً.. إلا أقول أخباركم مع المدرسة..
مي: اهو ماشي الحال بس من جد أولى ثانوي صعبة..
ندى: الله يعينكم أجل في ثالث ايش حتسووا..
حنين: اسكتي أنا شايلة همها من دحين..
ندى: اوكيه انا خارجة دحين رايحة أدرس..
حنين: مي على فكرة فواز كم عمره؟
مي بخبث: يعني ما تعرفي؟
حنين: انا افتكر انو أصغر من خالد.. بس ما أدري بكم؟
مي: ايوا عمره 20 سنة تقريباً
حنين: كبير علياَّ..
مي: أصلاً أحد قال انو هو حيخطبك؟
حنين رمت عليها المخدة وقالت: أصلاَ انا كمان ما أبغاه..
مي: عيني بعينك
حنين: يووووه طفشتيني.. اقلك خلينا ندرس أحسن..
مي: إيو إيوا صرفي الهرجة بس ولا يهمك يا ستي دواكِ عندي..
حنين مستغربة: دوايا عندك؟
مي: إيوا عادي أروح أقله فواز شوف ترى حنين تحبك وتموت فيك..
حنين: أتحداك..
أخدت مي جوالها واتصلت على فواز..
مي: مرحبا فواز كيفك؟
فواز: الحمد لله وانتو كيفكم..
مي: الحمد لله بخير.. فواز أقلك – وتطالع مي بطرف عينها على حنين طبعاً حنين منهارة عالآخر- فواز انت متى راجع؟!
تنفست حنين بقوة وارتاحت..
فواز: بكرة إن شاء الله ليه خير في شي؟
مي: لا سلامتك بس حبينا نتطمن عليك..
فواز: غريبة.. مي تتطمن عليا أنا..
مي: إيوا ايش فيها..
فواز: لا بس اول مرة انتي تسويها بس ندى ممكن..
مي: أوكيه فواز الفاتورة علياَّ يلا باي..
فواز: باي..
بعد ما سكرت مي من فواز..
حنين: شفتي ما تقدري..
مي: اقلك لا تخليني دحين من جد اتصل وأقوله..
حنين: لا خلاص توبة.. إلا صحيح خالتي أم رامي فينها؟
مي لما سمعت اسم رامي راحت بعييييد..
حنين: مي وجع قاعدة أهرجك من أول..
مي: ها معاك معاك..
حنين: صحيح ..
مي: إيوا كنت قاعدة تسألي عن خالتي أم رامي..
حنين: إيوا نسيت أنا قلت اسم قيس عشان كدا ليلى راحت بعيد..
مي: حنونة اعقلي المهم خالتي أم رامي في الهدا..
حنين: ليش رامي ما عنده شغل؟
مي: إلا بس أخد إجازة وريحوا شويا..
حنين: والله وليلى عندها أخبار قيس كلها..
مي: حنونة سيبينا من دي الهرجة.. اسمعي بما انو اليوم ربوع ايش رأيك تنامي عندنا..
حنين: طيب وأبوكِ ما هو في؟
مي: إلا بس يرجع متأخر يعني ما فيها شي..
حنين: أخاف خالد ما يرضى..
مي: إلا إن شاء الله يرضى فواز وماهو موجود وبابا عادي كأنو أبوكي..
حنين: طيب أنا دحين راجعة البيت وأكلم ماما وخالد وبعدين أكلمك.. يلا باي..
مي: أوكيه استناكِ يلا باي..
راحت حنين بيتهم.. واستغربت شافت أمها وخالد قاعدين في الصالة..
حنين: خالد إنت ما عندك دوام دحين؟
خالد: إلا طبعاً بس مالي نفس أروح خليني أريح شوياَّ..
حنين: طيب.. على فكرة ترى حنين عزمتني أنام عندهم اليوم..
خالد: بس فواز في البيت..
حنين: لأ فواز مسافر..
خالد: طيب وزوج خالتي من محارمك؟
حنين: لأ طبعاً بس عادي هوا ما يرجع غير الليل متأخر..
خالد: والله شوفي أمي إذا قالت طيب خلاص روحي..
أم خالد: طيب يا بنتي روحي ماأقدر أحرمك من الفرحة..
حنين: تسلمي يا أحلى أم في الدنيا
أم خالد: هههههههه والله إنك مصلحجية يا حنين
حنين: إلا على فكرة صحيح إنو خالتي أم رامي في الهدا؟
أم خالد: إيوا من بداية الأسبوع وهما في الهدا ..
حنين: طب ليش ما نطلع احنا وخالتي أم فواز ونمضي كلنا الويك اند هناك؟
أم خالد: والله فكرة حلوة وأكلم أختي وأشوف وإذا وافقت طلعنا بكرة الصباح..
خالد: بس فواز ماهو موجود مين اللي حيطلع خالتي؟
أم خالد: يمكن أبو فواز يقدر.. أكلمها وأشوف..
وراحت أم خالد تكلم أختها وحنين طلعت تنام وخالد راح مع صاحبه رائد..
بعد العِشاء نزلت حنين ولقت أمها..
حنين: ها ماما بشري إن شاء الله خالتي وافقت؟
أم خالد: لا يا بنتي تقول ما تقدر عشان أبو فواز مرة مشغول وفواز يمكن يرجع بكرة من السفر..
حنين: طيب ماما أنا جهزت إغراضي ودحين رايحة على بيت خالتي.. تبغي شي؟
أم خالد: لا سلامتك بس لا تزعجي خالتك..
حنين: ولا يهمك يا ماما..
راحت حنين عند خالتها..
حنين: هاي مي كيفك؟!
مي: بخير يلا بسرعة عشان نبدأ سهرتنا..
حنين: أول شي حطي كاسيت لفضل بعدين نقعد نهرج..
مي: طب وفواز فين راح؟
حنين: انا احب فواز ومعجبة في فضل.. في فرق..
حطت مي أغنية يا حياة الروح لفضل شاكر..
حنين: الله صوته يجنن..
مي: لأ صوت وائل أحلى..
حنين باستنكار: وائل كفوري؟!
مي: إيوا طبعاً أجل وائل جسار..
قعدوا يهرجوا شوية بعدين ناموا
يوم الخميس الصباح قامت حنين على صوت فواز وهو داخل الغرفة..
فواز: مييي قومي بسرعة يلا انا جيت ونورت لكم البيت
حنين وهي مصدومة: مي نايمة انا حنين..
فواز وهو مرتبك: طب آسف والله ما كنت أدري إنك عندنا..وخرج..
الظهر رجعت مي على بيتها ولقت أمها وخالد في الصالة وعلى وجوههم آثار صدمة..
يبة شفتها في منتدى وحبيت انقلها لكم


انتضروا الاجزاء الباقي
تحياتي

برونو

وهذا الجزء الثاني

7
7


حنين: السلام عليكم..
خالد وأم خالد: وعليكم السلام..
حنين باستغراب: اشبكم؟
خالد: نقلوا شغلي عالرياض..
حنين: ههههه العب غيرها يا شاطر
خالد: حنين ترى الموضوع جد..
حنين من نظرات خالد وأمها حست إنو الكلام جد..
حنين: لاااااااااا مستحيل أروح الرياض
أم خالد: الموضوع مو بيدنا وأخوك كلم المدير بس المدير ما وافق..
حنين: طيب وكم المدة اللي راح نجلسها في الرياض؟
خالد: سنة..
حنين وهي قاعدة تبكي : لأ مستحيل أروح المدينة اللي مات فيها بابا..
خالد: معليش حنونة بس سنة.. كلنا صعبة علينا نروح..
حنين: لأ روحوا انتوا وسيبوني عند خالتي..
أم خالد: لا حبيبتي ما ينفع..
حنين: أهم شي أنا ماني رايحة الرياض لو ايش يصير..
خالد: أحاول بكرة مع المدير وأن شاء الله يرضى..
راح خالد وطلعت حنين تكلم صحبتها منال..
حنين باكتئاب: اهلين منولي كيفك؟
منال: الحمد لله.. حنونة اشبك؟
حنين: ولا شي..
منال: مو عليا أكيد فيك شي باين من صوتك..
حنين قاعدة تبكي..
منال: خلاص حنونة هدي أعصابك بس قوليلي أشبك؟
حنين: نقلوا شغل خالد عالرياض..
منال: طيب؟
حنين: انتي مو فاهمة شي.. بابا مات هناك ..وبدأت حنين بالبكاء بشكل يقطع القلب..
منال: حنونة ترى البكاء ماراح يفيدك.. خلي خالد يكلم المدير عشان ما ينقل..
حنين: هو كلمه بس المدير ماهو راضي..
منال: طب قوليلي كيف مات ابوك هناك؟
حنين: قبل 3 سنين كنا في الرياض عشان بابا مريض قلب وعنده موعد مع دكتور هناك.. المهم بعدين حالته تدهورت مرة وقرروا الدكتور إنو يسوي عملية.. دخل بابا غرفة العمليات ووقت التخدير زاد المخدر ودخل بابا في غيبوبة مدتها أسبوعين بعدين مات.. أنا كنت متعلقة فيه مرة عشان كدا ما قدرت اتحمل وتعبت نفسيتي مرة دحين لمن بدأت أنسى يبغوا يرجعوني الرياض حراااام عليهم ما أقدر والله ما أقدر.. وكملت حنين بكاها..
قفلت حنين من منال بعدين قعدت شوية عالنت يمكن تنسى
وفي الشركة..
خالد: دكتور لو سمحت ممكن تعفيني من روحة الرياض وتخلي أي واحد من الزملاء بدالي؟
المدير: والله يا خالد ما أقدر انت عندك خبرة في الشغل والفرع اللي هناك جديد ومحتاجين نرقيه قدر الإمكان..
خالد: بس أنا ظروفي العائلية مرة صعبة..
المدير: آسف يا خالد.. بس هادا شغل ضروري ووجودك هناك مهم مرة.. الأسبوع الجاي لازم تكون في الرياض إن شاء الله..
خالد بحزن: طيب عاد أمري لله..
وفي البيت دخل خالد وهو بحالة يأس..
أم خالد: ها بشر ياولدي إن شاء الله وافق المدير..
خالد: لأ طبعا حاولت أفهمه قدر الإمكان بس برضه مو راضي..
أم خالد: الله يعيننا على حنونة دحين..
خالد: صحيح الأسبوع الجاي لازم نكون في الرياض..راح أحجز الثلاثاء الجاي..
أم خالد: الله يعين ولازم ندور مدرسة لحنين كمان..
خالد: أوكيه حاولوا من دحين تجهزوا الأغراض عشان السفر..
أم خالد: إن شاء الله..
طلع خالد عند حنين ولقاها نايمة..
خالد في نفسه: آه الله يعينك يا حنين بكرة لمن أقلك راح تصدمي.. مسكينة بس أنا حاولت قدر الإمكان..
وراح خالد غرفته ينام..
تاني يوم كان جمعة.. نفسية حنين كانت تعباااانة مرة.. فما أحد قدر يكلمها في الموضوع..
يوم السبت رجعت حنين من المدرسة.. وهما عالغدا..
خالد: ها حنونة كيف الدراسة اليوم؟
حنين: ماشي بس أنت أول قلي. كلمت المدير..
جات اللحظة اللي خايف منها خالد..
خالد: كلمته بس ما وافق..
حنين: أوكيه مش مشكلة عادي لو رحنا..
طالعوا خالد وأم خالد في بعض باستغراب..
أم خالد: بس انتي كنت رافضة الفكرة مرة..
حنين: فكرت أمس كتير في الموضوع.. عادي أصلاً أن لازم أنسى وأكون قوية..
خالد: طب حلو.. كلامك شجعني اني أقلك إنو سفرنا الثلاثاء ..
حنين: أوكيه عادي مش مشكلة..
بعد الغدا راحت حنين عشان تنام وبعد العِشاء دقت على خالد..
حنين: اهلين خالد كيفك؟
خالد :ماشي وانتي..
حنين: ماشي.. خالد انت مشغول..
خالد: لا عادي مو مرة.. ليش في شي؟
حنين: إيوا أنا مرة طفشانة نفسي أطلع البحر..
خالد: أوكيه كم حنونة عندي.. نص ساعة وأن جاي..
فرحت حنين وراحت تكلم مي وندى عشان يجوا معاهم.. وافقت خالتهم وفواز كمان طالع معاهم..
في السيارة..
حنين: خالد لو سمحت ممكن تشغل فضل؟
خالد يستفزها: يووه حنونة صوته مو حلو..
حنين: لأ لو سمحت.. كله ولا فضل..
فواز: أف أف لدي الدرجة تحبيه؟
استحت حنين وما ردت..
خالد: يوه هادي لو يسموها مجنونة فضل قليلة عليها..
فواز: هو أغانيه مو كلها حلوه..
حنين لا إرادياً: لا عاد فواز لو سمحت لا تنتقد فضل قدامي..
مي بصوت واطي: حنين عيب عليكي..دا حبيبك
حنين: آسفة فواز بس الكلمة طلعت مني لا إرادياَ..
خالد ميت ضحك على حنين: طيب يا مجنونة فضل.. ايش الأغنية اللي تبغيها؟!.
فواز: يا أخي حط أغنية روحي..
خالد: هاحنونة ايش رأيك..
حنين ميتة من الحياء: حطها حلوة..
مي: أصلاً حنونة ماراح تقول على أغنية من أغاني فضل إنها وحشة..
خالد: والله انك صادقة يا مي..
فواز: فين ندى ماني سامع صوتها؟
ندى: انا هنا بس قاعدة أفكر في جدة من دون حنين..
حنين: آه يا ندى لا تقلبي علي المواجع.. كويس إني ساكتة الين دحين..
فواز: طيب أنا عندي اقتراح.. بما انو يوم الثلاثاء انتو مسافرين خلينا يوم الاثنين نطلع ملاهي.. ايش رأيكم؟..
خالد: أوكيه نكلم رامي يطلع معانا..
فواز: طيب خلاص وصلنا وقف هنا أمواج حلوة..
نزلوا من السيارة.. وراحوا البنات تحت عند الأمواج..
حنين: الله بنات والله الجو روعة.. حأفتقد البحر وأفتقدكم كتير..
مي: هوينيها يا حنونة.. يومياً نتكلم عالما سنجر..
ندى: إيوا والله يا حنونة خلاص كلها سنة وراجعين إن شاء الله..
حنين: خلاص بنات والله راح أبكي.. ممكن تسيبوني شوية لحالي..
راحوا ندى ومي على جهة تانية من البحر.. خالد دق جواله وقاعد يكلم رائد.. فواز كان واقف ورا حنين وهي مهي منتبهة..
حنين بصوت عالي شوية: والله راح أفقدك يا فواز.. حتوحشني مرة.. أهم شي ما تسكن قلبك إنسانة..وتاخدك مني مع إني أعرف إنو مستحيل أسكن قلبك..



لالا ما أتوقع يمكن قصدها فواز تاني.. بس هي ما تعرف فواز تاني غيري.. لالا برضه مو معقول..
رجعوا البيت وفواز كان طول الوقت ساكت على غير عادته..
خالد: فواز اشبك مو على عادتك؟! ليش ساكت؟
فواز: لا عادي ولا شي بس سفركم مكئبني شوية..
خالد: لالا أكيد في شي تاني..
فواز: لا صدقني مافيه شي.. ها ايش رأيكم بنات أي ملاهي تبغوا تروحوا بكرة؟
مي: الشلال..
ندى: إيو والله الشلال حلوة..
فواز: طب وانتي حنين ايش رأيك؟
حنين بصوت يوضح إنو هي كانت قاعدة تبكي: أي مكان..
خالد: حنونة خلاص ما أبغى بُكى.. لا تحسسيني إنو الذنب ذنبي.. والله حاولت مع المدير بس هو مو راضي..
حنين حست بالذنب: لا خالد الذنب مو ذنبك.. عادي نروح نغير جو شوية وترى أنا عاد بس راح أفقد مي وندى..
سكتوا كل اللي في السيارة ولا أحد اتكلم..
وصلوا البيت وطلعت حنين تكلم منال..
يوم الإثنين كانت خالتهم أم فواز عاملتلهم حفلة وداع عالغدا..
بعد المغرب طلعوا عالملاهي.. كانوا كلهم راكبين في جمس..
خالد كان هو اللي قاعد يسوق وجنبه فواز وبعدين رامي وفي الوسط الحريم و ورا البنات..
طبعاً الحريم قاعدين يهرجوا والأولاد كل كلامهم عن السيارات والجوالات.. والبنات ورى ساكتين..حنين قاعدة تفكر بكرة سفرهم وهي ما تبغى تروح بس مرغم أخاك لا بطل ودموعها كانت أربع أربع على خدودها..
لمن وصلوا راحوا الحريم وقعدوا في طاولة جنب صالة التزلج والشباب والبنات خرجوا بره عند الألعاب..
حنين: ها يا جماعة ايش تبغوا نركب أول؟
فواز: قطار الموت..
مي: لالا إلا دا القطار أخاف منه مرة..
حنين: جبانة.. طول عمرك جبانة..
خالد: حنين بشويش عالبنت المثل يقول لك " إذا جيت رايح كتر من الملايح" مو الفضايح..
مي: هههههههه تستاهلي يا حنونة محد قلك تتفلسفي عليا..
حنين متفشلة: هين يا مي حسابك عندي..
رامي: طيب دحين ايش حتركبوا؟
فواز: حنركب قطار الموت واللي مايبغى ينطق يستنانا..
مي: أنا حاسه إنو الكلام عني..
رامي: ههههه تصدق يا فواز أختك طلعت عبقرية..
مي اتفشلت وسكتت..
وصلوا عند قطار الموت..
حنين: مي يلا بلا دلع ترى والله مرة حلو..
مي: لا مأقدر أخاف بعدين أموت..
ندى بصوت واطي : فكه..
مي: ايش ايش قلتي؟ كأني سمعت شي غلط؟
فواز وهو ميت ضحك على أخواته : لا يا مي ما سمعتي شي غلط وترى كل كلمة مقصودة..
حنين: مي ترى أنا ماراح أركب إلا إذا انت ركبتي..
مي :اوكيه أمرنا لله..
ركبت حنين مع ندى ومي جنب فواز وخالد ورامي..
طبعاً أول ما اتحركت اللعبة صرخت مي..
فواز: مي فشلتينا اسكتي..
بس مي مستحيل تسكت..
مي: حنين ياويلك مني بس ننزل من اللعبة حأرفع عليكي قضية في المحكمة..
طبعاً مي قاعدة تصرخ واللعبة شغالة وفواز بدأت عيونه تدمع من الضحك على مي..
بعد ما نزلوا كانت مي قاعدة تهزأ حنين حنين ميتة ضحك على مي وحركاتها..
وهما رايحين لعبة السلاسل..
حنين: يو خالد جوالي نسيتوا عند ماما.. أروح أجيبه بسرعة واجي..
خالد: طيب بسرعة لا تتأخري عشان نركب السلاسل..
حنين: طيب..
راحت حنين عند أمها تجيب الجوال والشباب قاعدين يستنوا..
فواز: نشف ريقي أنا رايح أشتري موية أحد يبغى شي..
الكل: لا سلامتك..
فواز: ترى انتو الخسرانين أول مرة وآخر مرة على حسابي..
راح فواز وكانت حنين دوبها خارجة على جهة الملاهي.. كان جنبها شاب بيرقمها ويغازلها..
حنين كانت خايفة مهي عارفة ايش تسوي.. فواز شافها من بعيد وراح عندها..
فواز وهو ناوي يتضارب : خير أخويا في شي..
الشاب ارتبك لمن شاف فواز وقال: لالا حسبتها بنت خالتي..
فواز: عذر أقبح من ذنب.. لا عاد أشوفك تقرب منها مرة تانية..
الشاب ما صدق راح..
فواز: حنين مرة تانية ما تمشي لحالك يا مع خالد أو مي أو ندى بس لحالك لأ فاهمة؟؟
حنين بصوت واطي: إن شاء الله..
فواز: يلا روحي دحين انا رايح اشتري موية وجاي تبغي شي؟
حنين: لأ سلامتك..
فواز: الله يسلمك وبسرعة روحي عند خالد عشان ما يتكرر الموقف ولا تركبوا السلاسل انا دحين جاي..
راحت حنين عند خالد وهي قاعدة تبكي خالد حس انو حنين فيها شي.. سألها
خالد: حنونة اشبك؟
حنين: ولا شي بعدين أقول لك خلي الليلة تعدي على خير