ذبحني هالسؤال أرجوك قلـي بـس وش جابـه
................... دخيلك ليـه تتعمـد مـع ضحكـك تبكينـي..؟؟
من البارح تعيـده هالسـؤال وتطـرق أبوابـه
................... وعلى نفس الطريق اللي تجـي منـه تودينـي
ياأخي وش تبـي منـي وحزنـي وش تلقابـه
................... يهمك إيش في هذا.!!؟ عذابي وإنخلق فينـي.!!
تبي تعرف حكايـة شاعـر ٍ جمهـوره أحبابـه
................... تبي تعرف يصفق ليه جمهـوري ويحيينـي..؟
لأن الشعر عنـدي ماهـو بـس أوراق وكتابـه
................... ولاني من فراغ أكتب وأبي تكثـر دواوينـي..!!
تبي تعرف شاعر ليه؟؟ هـاك الشعـر وأسبابـه
................... تبي تعـرف مكانـي وين!؟؟رتبّهـا وتلاقينـي!!
فقر مال .. وفقر حال .. وفقـر حيلـه وطلابـه
................... فقر حـظ ٍ كريـم .. أمدلّـه كفـي ويعطينـي..
فقر دين .. وفقر دنيا .. وجوع ٍ تنهـش أنيابـه
................... فقر راحه .. وفقر صحه.. وفقر فرحه تنسينـي
فقر أيه الفقـر يعنـي ضيـاع العمـر وركابـه
................... فقر يعني فقـر يعنـي عـذاب وضيـم مالينـي
وراس الفقر..وراس الجوع..وعمر طارت أسرابه
...................وحق الدرهـم اللـي مانـوى مـره يخاوينـي
رضعت الويل من صغري ولبست الحزن وثيابـه
................... على شط الشقا مولـود وهمـي كـان يروينـي
تقطع وجهي وجلـدي بنـاب الفقـر ومخلابـه
................... ولكنـي عزيـز النفـس ولـو أحتـاج تغنينـي
كساني ثوبي المشقوق وبيـن النـاس أزهابـه
................... وكـل ٍ يلتفـت يمـي يظـن بتنكسـر عيـنـي
حشا ماتنكسر عيني وأنا اللي وقتـه يهابـه..!!
................... عزاي أني فقيـر وصـارت النظـرات ترمينـي
عيون النـاس تطعني..وكـل ٍ يغـرس أحرابـه
................... وبعض عيون أقدرها وبعض عيون تدمينـي..!!
وشلي مابعـد قلتـه وتبغـى تعـرف أعرابـه.
................... مضت ساعـات أتكلـم وأنتـه بـس توحينـي
تبي تعرف حكاية عشـق وبنـت ٍ حيـل لعابـه
................... تبي تعرف عن أسباب الجفا مابينها وبينـي..؟؟
تخيـل جتنـي وقـالـت فـمـان الله يابـابـه
................... تشرفـنـا بمعرفـتـكـويالله لاتـأذيـنـي..!!
وأنا أعشقها "ثمان سنين" وهي (تلعب وكذابه)..!!
................... تسلـي نفسهـا فينـي ونيتهـا تخليـنـي..!!
تبي تعرف حكاية قبر وطفلـه تسكـن ترابـه..
................... تبـي أقـولـك مظلـوم ودّم الطفلـه بيدينـي
تبي تعرف وش الغربه ومن اللي طـول غيابـه
................... تبي أحكي قبل أعوام بالتفصيـل أنـا وينـي.؟؟
تبي أحكي لك عن الزاهد وعن ذنبه في محرابـه
................... دخيلك ماأقدر أتكلـم خـلاص أرجـوك أعفينـي
قسم بالله فـي صـدري مدينـه تلتحـف غابـه
................... مدينـه ساكنـه قلبـي وغابتـهـا شراييـنـي
دخيلك سكر الموضوع وشف لك شـي تسلابـه
................... أنـا منـك ألاقيهـا أو ألقاهـا مـن سنيـنـي
السؤال.....
العرض العادي
