عيونها بالكحل ياهي عجيبه

الليل طول والسهر يكشـف البـوح
والنجم ساري والهواجـس كثيـره

والنفس تزفر للوله والهـوى فـوح
والحال عقبـه سجلوهـا خطيـره

ما عادي تفرق لو تدانت لي الروح
اصبح علو الارض مثـل الحفْيـره

من حبها قلب المعنى بـه جـروح
ولا تطيـب جروحهـا يـا منيـره

اخوك في عشقه من العـام مذبـوح
كفه علـى خـده همومـن وحيـره

مكتوب احبه في جبينـي وباللـوح
ما عاد لي بالامـر دبـره وخيـره

مكتوب اعاني وارفع الصوت مبحوح
واسح دمع العين فـي كـل ديـره

يا لايمي في الحب من القلب مسموح
مثلك غشيمن ما عشق لـه اميـره

اميرة العشاق مع الزيـن مملـوح
وعيونها بالكحل يـا هـي مثيـره