ماتقبلت الفراق ومابيدي فيه حيله..
آه لو أن الظروف المقبله تكشف قدرها..
لو يعرف الشخص منا وش مع الغيب أبيجيله..
كان جنبنا المشاكل من قبل يوقع ضررها..
ماهقيت الليله اللي جابت الفرقى طويله..
لين صارت الليله في قلبي أطول من شهرها..
والعذاب اللي يذوب أبعين من يفقد خليله..
{عندي أكبر من عذاب العين لوتفقد نظرها}..
والحبيب اللي أصدوده مثل مداته جزيله...
صد عني وأعرفه لاصد عن حاجه هجرها..
كن روحي يوم حست في جفاه وصعب نيله..
بشرتني بالضياع وشدة العزم أبسفرها..
مارحمها من هلاك وماتقبها دخيلك..
تحتضر قدام عينه لين ماتت من قهرها..
عاد ليت اللي ذبحها وأرهب الموت أبوسيله..
مادفن وجه الضحيه والسكاكين أبنحرها..
ليت قلبه يوم طاوع فعلته كمل جميله..
لو غسلها من أعروقه وابكفن صدره قبرها..
من حفر بضلوع قلبه حفرتن تكفي قتيله..
ليه مايدفن قتيله بضلوع اللي حفرها..
أشتكيته لرفوف والبراويز الهزيله..
وانذعرت أمن النياح اللي سمعته في صورها..
رحت أسولف للجبال الصم عن قصة رحيله..
ماتركت أمتوناه ألا ينحت الدمع أبصخرها..
واحدن حقق جماله كذب أساطير ألف ليله..
يسكن السبع البحور gيحبس الحور ابدررها..
الدروب أبكبرياها ترتجف تحته ذليله..
والورود اللي تقبل خطوته تنبت بأثرها..
والغصون أليا بغاها تنثنيله تنثنيله..
..
له علي أنه ليما طاح من عيني تشيله..
{ولي عليه أنه يرجع لبتساماتي ثغرها}...
صعب تلقى شخص {وافي} يجزي {الطيب أبمثيله}..
والعرب قد قالوا أن الناس ماخلت قشرها....
لا تحرمووونا من ردووودكم ~~ رســــــــــــــــ القلوب ـــــــــــــــام ~
~~ ما تقبلت الفراق ~~
