لا تجرح خدودك ترى الدمع يجـرح..،
أن ما جرح خدكْ جرح قلب مغليـك.
ما للبكا فـي عينـك اليـوم مطـرح..،
قلّي وأنا ابكي عنكْ يا عل ما أبكيـكْ.
ما أحتاج أقول لك انتْ واعيد واشرح..،
أن الغلا يـا أول غـلا هايـمٍ فيـك.
وشلونْ يبرح قلّـي اشلـون يبـرح..،
حُـب تمكـن فـي خفـوقٍ يباريـك.
الخافق الـي فيـك بالحـُب يسـرح..،
كنّه سفينـه مـن بحـركْ لموانيـك.
يحبْ..يُهوى..يعشق..القلب مسـرح..،
لحبك عسى قلبي مع الـرُوح يفديـك.
وأعرف تراني فيك اضيق وبكْ افرح..،
وأزعل على شانك وازعّلك وأرضيك.
بس أنتبـه للدمـع لا سـال يجـرح..،
قلبٍ يضمّـك مابـه احـدٍ يساويـك.
لا تجرح خدودك ترى الدمع يجرح
