الحقيقه كاامله ..,,..,,

الاعصارالغربي

€السلام عليكم ....
.
.
.
.
.
كم بحثت عن الحقيقة لجل أوصل للحقيقة
في زمان ضاع فيه الحق في وضح النهار
الزمان اللي خدعنا ماعرفنا له طريقه
مادرينا باتجاهه في اليمين و في اليسار
صاركل مايجد حتى النصيحة من صديقه
والعهود تغيرت و العيب في صنع القرار
والشقيق الاخ وده يتخلى عن شقيقه
في الظروف اللي صغار وفي الظروف اللي كبار
لو نصا له يشتكي له قال ليتك في حريقه
مايعبر له كلام ولا يرد له اعتبار
حتى لو انه ضحك له وابتسم له مايطيقه
لابيلقى منه خير ولا منه يلقى وقار
والرفيق اليوم لا ينفع ولا يخدم رفيقه
المصالح أثرت في كل فكر وكل دار
بين لملمة الشتات وبين الالوان الغميقة
انتهى الماضي الجميل ومات في وضع انكسار
مابقى للعز رمز ولا تواريخ عريقه
من كثر مايكرهونه في عذاب وانهيار
صارت الايام تمضي من دقيقة في دقيقة
والقلوب تعيش من حالة دمار في دمار
كنت اقول لية البشر في حزن وهموم وضيقه
والعوايد ليه ضاعت واجبرت على الانتحار
المهم اني وصلت في النهاية للحقيقة
واكتشفت ان التلاحم افتقد راي وخيار