الشعــــر دلّــه

’’ .. مجــرد آحســاسـ .. ’’

الشعر دله والفناجيل قيفان
وأشرب فناجيل القوافي بديه


وصفف القيفان والقلب شفقان
شاعر وعندي لشعر مقدريه


كان السفينه مركب وفيه ربان
فأنا تمثنيت البحور العصيه


ولاعودت لشعر شاعر وبطران
أداحم الشعّار والنار حيه


يا خيل العرفا ولو كان ما كان
وأنا ولد عامر على الصعب سيه


خوالي الظفران من ساس قحطان
هواجرٍ زبن الدخيل و خويه


وفي ربعي العجمان ماني بندمان
أهل الوفا وأهل القلوب النقيه


وأليا حتمى الموقف و صوت سبعان
تخالطت بالعزوه العامريه


لا يا رفيقي يا فهد ولد ضيدان
يا حي راسك بالمراجل يا حيه


هذا قصيدي بوزنه وسط ميزان
وميزان فكري جودته عالميه


كلام يستوعب و لاني بغلطان
وحفظ كلامي و ارسله للبقيه


المسأله ما هي ترى حبك الأوزان
وماهي عشان اعجاب بحلى بنيه


المسأله ذالحين في وسط ميدان
والشاعر اللي فكرته عبقريه


أبشرك يا مسلم البال طربان
فالشعر عندي فلسفه شاعريه


أرتب المعنى على عدت أركان
وأجاري بيوت الشعر ما عليه


أنا على خبرك جبل يا كحيلان
والريح هبتها تجي موسميه


الحمد لله وأشكره عالي الشان
خالق عماد الكون والجاذبيه


من صغر سني أبني الساس عمدان
ويامصغر الشمس وتضئ البريه


وش قيمته شاعر كذا دون برهان
يلعب على نفسه ونفسه رديه


أما يجي شاعر ومبدع وفنان
ولا ترى راحت حياته خطيه


يلعب على نفسه مع طلقة لسان
انه خذا موقف واسمه بليه


يا محمد بن الذيب ولا ياسلطان
شعّار عصر العولمه الأسبقيه


قريت في بعض الكتب اسم راكان
من دون كلمات الفخر والحميه


وأيقنت في أن الشعر بعض الاحيان
يروي حكايات الشعوب النديه


وتخيل ان الوقت يجري والأزمان
أجاري الأوضاع والنار فيه


تحرق كرات الدم في داخل انسان
عسى يشوف بيوته الممتليه


وأنا وقافي وأصد القول عنوان
لأهل الجزاله والبيوت الوفيه


وانشد دلال الشعر وان كنت غلطان
كسر فناجيلي وعقب يديه


للشــاعـر/ خالد العجمـي

تحيتي

لمياء

©{« مـ القسم الإسلامي ــشرفة »}©

صح لسان الشاعر ولسان ناقلتها

قصيده جميله

فيها فخر وكبرياء

يعطيك العافية مهاوي على هالاختيار

دمتي لنا

تركي الرياض

المسأله ما هي ترى حبك الأوزان
وماهي عشان اعجاب بحلى بنيه

المسأله ذالحين في وسط ميدان
والشاعر اللي فكرته عبقريه

الله الله

صح لسان شاعرها

ولاهنتي المها ع الاختيار الجزل

لا عدمناك

& نعومه حيل &

مشكوره على القصيده يا المها
يعطيج العافيه

نبـض المـشـاعـر

صح لسانك ؟
ومشكوره على القصيده يا المها

تقبلي تحياتي
نبض المشاعر

’’ .. مجــرد آحســاسـ .. ’’

لمياااء

الله يعافيك حبيبتي ومشكوورهـ ع المرور لاعدمنـــــاكـ

***********

الغلا نعوومهـ

الله يعاافيك يالغلا ومشكوورهـ ع المرور

*********

اخووي نبض
العفووو وتسلم ع المرور والرد وحياك الله

**********


اخووي تركي

تسلم ع المرور الطيـب لاخلانا من هالطلهـ


*************

تحيــتي لكمـ