حبيـــــــــــــــــــــبي
حبيبي لا تعذر ما على صدق الحبيب جـدال
رضت عنك العيون وهاك قلب فز بأعشابـه
على وعدك تجيني يا حبيبي صاخب الميصال
عليك من اليديـن وناسهـا هرجـه وسبابـه
هلا بك وين ما يشرق نظرك الناعـم القتـال
هلا بك وانثنى غصن الزمان وطار باسرابـه
عذاريبك قليلـة يـا حبيبـي كايـد العـذال
ولكنك بقلـب مـن سكنتـه حارسـك بابـه
عيونٍ شافتك عن قرب قرّب يهمهـا تختـال
على بعض العيون وكل طير يحـب مرقابـه
أنا اللي سلمك قلبه دلو عشق وغلاك الجـال
وتليته بحبل مـن جفـاك وضـاق بأسبابـه
فداك اللي تبي هاك الجمل والحمل والجمـال
جلب تلك السنين وكل سوق وطيب مجلابـه
يا ألطف من طيوفك في عيونٍ للسهر مدهـال
لجني خايفات وكل طيف أحلـى مـن ثيابـه
احبك كثر ما ينسى زمانـه مستريـح البـال
واحبك كثر ما قلب المسافـر حـنّ لترابـه
شبيه الشمس لو مالك مثل شمس السنين ظلال
ترى كلٍ يمـوت إلا قصيـدٍ يبكـي أحبابـه
وأنا ليلي قصايد أو قصيدي ليـل لا تحتـال
هذا بعض الغلا باقصى خفوقي جاك باعشابه
|
