نويت أبعد عيوني عن زماني
لقيت العين شافت شخص ثاني
ما بين الهم وأحساس المحبه
يجيني أحساس يسكن بالمحاني
أحاسيس(ن) تخلي القلب يطمي
أنا الهوجاس في لحظه خذاني
على ترف(ن) أشوفه وسط عيني
سلب عقلي وزود لي جناني
يجي طيفه يجيني في منامي
أنا طيفه على وصفه حداني
جديله طايح(ن) بأطراف متنه
جديله قال ما فارق مكاني
يفوح المسك مدري فاح خده
من خدوده يجيني المسك عاني
يجيني المسك في أيدي وأشمه
يصير الهم في دنياي فاني
يعاند جسمها خصره تمايل
كأن الريح دفت غصن باني
تمايل خصرها ينثر ثماره
ثمار الحب يكسيه الحناني
تبسم ثغرها زايد دلعها
وكحل العين بعيونه رماني
طويل العنق يعكس لي نحرها
شعاع الشمس من نحره سباني
بنات الكون غارن من حلاها
حلاها منها السمرا تعاني
يزين الوصف في وصفه ويحلى
يزين الوصف وتزين الأغاني
حضوره غير وغيابه ذبحني
كأنه عام بغيابه ثواني
تجمع داخلي طنّيات شمر
تشوف الأسلمي بالحيل طاني
نظر عيني ليا ناظر عيونه
يزف أفراح ويزف التهاني
مع الجادل وقلبي دوم وافي
أنا لي أمنيه بين الأماني
أمانيي.. يصير الزين يمي
يصير الهم في دنياي فاني
قبل يومين شفته طار قلبي
يطير القلب يوم الشوق جاني
عروق القلب تبكي في غيابه
مدام الزين بغيابي بكاني
يجيني الزين لا مني دعيته
وآنا بجيه لا منه دعاني
.gif)
زين الحلايا والوصايف
