اعجبتني ونقلتها...
وا عذابي كان طولت الغيـــاب ** واشقى عيني على الحظ الردي
صاير بيني وبيـنـك الــــف ناب ** والــــف سكين تبي تقطع يدي
وايش عذرك لادفنوني بالتراب ** ويش عذرك يوم موتي يابعدي
قبل تفقــدني وتنــوي بالذهـاب ** افهم الاسباب واعرف مقصدي
تعرفيني قبلــــها كنا اصحــاب ** كنت لك وافي وجيتـــــيني عدي
تطلبين الحب وابطيت الجواب ** قـلــت لك صبرك عليه وارقدي
بين رمش العين مني والهداب ** واسكـنـي قلب على قلبــك ندي
رافعك بيــدي ليا حد الســحاب ** صدق احساس ومشاعر ترتدي
والهــدايا ما حسبت لها حساب ** جبت وما يوجد وما لا يوجدي
مير بايدينك غدى حلمي سراب ** خنت والخاين (على زينه) ردي
خنتني وانا معك توي الشباب ** كيف لو طال العمر وش بتغدي
قولها (توبه) قبل تمسي هباب ** وكل من حولك يعاف ويزهدي
قولها وارجع لقـــلب ما يهاب ** شـامـخ. وافـي. محـنـك. مهتدي
|
