اخاف تمر عليك اجنازتي بفد يوم
ماناسيك انا ولا نكرت اهواك
لكن مبتعد من صالحك اني
ما ريدن اكونن سبب تعبك دوم
وما رايد تظل بأحزان وتعاني
لو حتى حبيبي ابيوم تنسى هواي
وبعيونك اصيرن مجرم وجاني
لان ماريد يوم الكَاك مهموم
ولا اقبل تظل موجوع وتاني
راح ابتعد عنك مو لان انساك
شينسي الكَلب يل صرت عنواني
تدريني احبك مدمن انا عليك
وانت اغله الحبايب واغله خلاني
اغله من الكَرايب واغله هاي الناس
وانا بعدك حبيبي امسيت وحداني
راح ابتعد وعمي العين من فركَاك
اخاف اتحب بعدكم تشهد اجفاني
وحكَ عينك عزيزه ادموع هاي العين
ولون تدري القرار اشكثر اذاني
وما ابجي جذب بفراكَ كلمن جان
بس بعدك حبيبي دموم بجاني
مثل بيت وبعادك هدلي الاركان
شلع ساسي شلع مارحم حيطاني
واخاف تمر عليك اجنازتي بفد يوم
اريدك يا حبيبي اتصير دفاني
والله ياختي كلمات من جد قويه هزت كياني
وهلت دمعتي فتحتيلي ابواب قديمه
وخليتي قلبي ينزف جراحه
انتي ياختي حلاوتي زايده
تستهلين القب اسطورة المنتدى وقمر القصيد وشمس الخواطر
آخر تعديل الجرح ارحم يوم 29-12-1428هـ في 12:40 صباحاً.
|
اخاف تمر عليك جنازتي بفد يوم
العرض العادي
