بعد التحية والسلام
كتبت هده الابيات من الشعر من اجل كل شاب وشابة على هده الارض الطاهرة
ومن اجل مستقبلهم والله
كبدى على ضاع شبابه فات عمره ومدار احسابه
متوحش كى وحش الغابة ايجى يوم ويقعد يتكابه
ايجى يوم ويقعد متعوز لدار احويش اولتجوز
اولسيارة كيف اصحابه كبدى
على من عابى ديماء اوهو ماشى كعابى
مصطول ويضحك شرهابى لون الفجرة لون انيابه
لون انيابه لون الفجرة ونا منا يعندى عجرة
لدار اخديمة ولاتجرة باب الرزق امصكر بابه
كبدى على ضاع شبابه
الله يهديه حشيش اوبوخة يشرب فيه
اوبتا ميعلمش عليه اوهو راجل عنده يحسابه
يحسابه راجل ورجيل ايجى ايسعسع فى عقاب اليل
دايخ منهارت اعصابه
نشدت الشاب واليا قال مولى الشمة ليه اشمال
ايعانى من كترت الاسهال بعد هديا شن مزال بول اغايت فوق اكعابه
بول اوغايت ياء مضنونه وين امه تراعى لعيونه
حمر ومنفوخات اجفونه مرض اتريكومه تحسابه
تحسابه مرض اتريكومة باتا وامه هل المهمومة
وين يعزم ويدير عزومة يلقوهم شلة عصابة
ايقوللها عندى مجموعة نبو منك عشوة روعة
بل رادة اتطاوع فى طوعه متلتامش ملكبد الكيا النهادة
كبدى على ضاع شبابه
كل منهو مبلى بى الشمة انعزى فيه خواته وامه
ونعزى امه وخواته معادش ينفع فى حياته
حتى كان يغير دمه يعليك بلية ركباته معادش راجل يسمه
يدعتر يمشى ويطيح اتقول كاغط فى عين الريح
اوما والى يبكيله همه ميبكيله همه والى
عليه نبكى ودمعى شكولى هدا الى خلنى اندمه
هدا الى اندمه خلنى سوا ليبى ولا برانى
خوفى منه يقعد حانى اوهوا حى وعمره انى
ايكيد الدكتور النفسانى اوما دكتور اويعرف داه
مريض اومرتخيات اعضاه وامه غير اتنوح وراه
اتقول اوليدى شنهو جاه اوهى راهى معرفت داه
ولكن داه حشيش اوشمة الله يخرب بيت الخرابة كبدى على ضاع شبابه فات عمره
ومدار احسابه كبدى
كبدى على ضاع شبابه
العرض العادي
