درب المراجل صعب والله وصوله

عمر النذاله مـا تسمـى شطـاره
وعمر الرخامه ما تسمى رجولـه
جانا زمـان الكارثـه والمـراره
وقفى زمان المرجلـة والبطولـه
هـذي حقيقـه والحقيقـه منـاره
درب المراجل صعب والله وصوله
المرجله ما هي بشـرب الزقـاره
وقز الشوارع بين صوله وجولـه
المرجله بالجود.. ويـا الطهـاره
طيب وشهامه من زمان الطفولـه
درب المراجل ربح ما هو خساره
والرجل لو (يمشيه) زانت فعولـه
مثل القمر بالليل يضـوي لـداره
ومثل (الجبال) مثبتـه كـل دولـه
فيه الزعامه.. والفعـل.. والاداره
فيه الرجال اللي تعـز الحمولـه
فيه الفخـر متمركـز بالصـداره
فيه الرجـل متمسـك بالرجولـه
فيـه التحـدي والتحـدي شعـاره
فيه العلـوم الطيبـات امحمولـه
فيه الحكم والشعـر فيـه العبـاره
فيه القوافـي ماتجـي بالسهولـه
فيه الكرم واهل الكـرم والبشـاره
فيه اشقر يداوي انفـوس معلولـه
فيه العدل والعلم واهل الحضـاره
فيه التواريـخ اشهـدن بالبطولـه
فيه الرجل يفزع اليا ضاق جـاره
ما وزه الشيطان لو كـان حولـه
درب المراجل مطوله في مسـاره
هذا مساري صعب والله وصولـه
ما ينفـع التاجـر كثيـر التجـاره
ولبس الرجل ما ينحسب مع فعوله
هذي نصيحة كل بيـت.. وحـاره
وتمعنـو يـا نـاس بلـي اقولـه




،،


شعر/ أحمد الرسلان