@ يـامسهـر النايـم ومحضض النـوم * * الله يكافيـك الليـال وسهـرهـا @
يامسهـر النايـم ومحضـض النـوم
الله يكافـيـك اللـيـال وسهـرهـا
علمتني كيف أنعـس شـوي وأقـوم
وآنسـق كبـار الجمـل واختصرهـا
الله يا لـك عنـدي علـوم وعلـوم
ومـن شانـك تعبرنـي بتعتبـرهـا
البارحة ضاقت علـى وجـة الـروم
ومـا باقـي الا وجهتيـن أخبـرهـا
ويممت لك وجهي وأنا أغتاض وآشوم
من سكة تخفا علـى اللـي سبرهـا
ما جيتك لك اضحك محزن ومهمـوم
فكره طرتلـي فيـك قلـت افتكرهـا
حبت أمهد فيك سخطي علـى التـوم
اللـي تعـزز لـي وأنـا محتقرهـا
يا قوم يا عيبـات الاقـوام يـا قـوم
اللي مـع العيبـات تنشـر صورهـا
الناس ذي في كوم والعرف في كـوم
والله مصغرهـا علـى مـن قهرهـا
يقرب من الآخر ويـا محمـل اللـوم
تضيق بك الأنفـس ويطغـا بحرهـا
أن كانها بحقـوق وعهـود وسلـوم
صدقنـي أن حجتـك ذي بتخسرهـا
اليا صغرت عينـك فلانـي بملـزوم
أرفـع حواجبهـا وكبـر صغـرهـا
نجوم تطلـع فـوق وتحـدر نجـوم
وأنتـه كـذا لا فوقهـا ولا حدرهـا
خلك كذا وضعك حلو وانـت ملمـوم
لا تخسـر الهـيـه ولا تنتصـرهـا
ما مجـد التاريـخ أشبـاه ورخـوم
الابطـال تفنـا بـس يبقـى ذكرهـا
الله يمـدد فــي وآعـيـش وآدوم
وأبصم على وجـه الليالـي ونحرهـا
فن ما طلعت فحدث في مثل ذا اليـوم
ولا بـلاش مـن الحيـاه بكبـرهـا
وسلامتــكمـ
للشــاعر / سعد بن علوش
تحيتــي
|
العرض العادي
