تخيل لوتفارقنا .. وعشنا في هوانا اغراب
لو تناسيتك .. وقلبك صار ناسيني
لو تباعدنا..وكل شوق جمعنا ذاب
تخيل
ويش يصير الحال مابينك ..ومابيني
تخيل
لوخلا هالكون ..ولا يسكن ثراه احباب
تخيل
لوتجي صدفه ..عيونك يوم في عيني
حبيبي
للوصل سبه .. وللفرقى .. كثير اسباب
وانا صابر على ظلمك.. وجرحك صار ..مشقيني
تخيل
لوجرحتك يوم .. وجرحك بالهوى..ما طاب
لو تدورني.. تبيني.. ماتلا قيني
تبي .. تبكي ..تبي.. تشكي
تبيني .. والأمل بغياب
صرخت بصوتك العالي
من الضيقة .. تناديني
.. تخيل ..
,,,,,,,,,
ياحبيبي والبكا .. هم المحاجر
بالدموع.. أبرد مناديلي كويته
آه من صوت ترك كل الحناجر
وانتثر في دفتري شعر وقريته
من غرامك في غلاك ارحل واهاجر
وان ضواني ليل من يمك سريته
لاتزيد طعوني أوجعت الخناجر
مابقي عرقٍ بقلبي ماثنيته
لو عيوني غيم واهدابك محاجر
ماظما رمشك تحت دمعٍ بكيته
,,,,,,,,,,
تحسب ان الهوى ضحكة دقايق عشتها في ميعاد
إلى ما رحت تنساها وتنسَى الوعد وتنساني
ألا يا صاحبي .. الرفقة ترى مَا هِى ثياب جداد
تبدلها متى مليت .. وتلبس غيرها ثاني
إلى ضاع الوفا مابه هوى بارجيه أنا ووداد
ترى ذا الفرق بين أقرب قريب .. وبين عدواني
تحاكيني بطرف لسان وهرجي من صميم فواد
وتاقف من بعيد ويم درب الموت تنخاني
,,,,,,,,,,
تعبت أسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الألم .. لاشك جرحي غلبني
أنا سجين الحال .. مهما تسليت
وانا الطليق وكل شيٍٍ قضبني
حريتي لاعل .. يا كود ياليت
اما شفت حيٍٍ جاد لي ماسلبني
,,,,,,,,,,
آخر عباراتي وداع ..وآخر مشاويري رحيل
جيتك وبي لفحة ضما واقفيت كبدي ناشفه
اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه
وأنتي بمتناول يدي ... تبدين مثل المستحيل
في عشرتك صوت العقل يقتل طموح العاطفه
قولي لهم ياعزوتي ماعابنا موت النخيل
اللي يوافيها الأجل وتموت لكن واقفه
الفارس الاول
ذوبت في حروفك الحزينه
شدتني اليها ودخلت اعماق قلبي
عانقتها بشده
عانقتها بحزنها وبفرحها
الغاااااااااالي
اتوقف امامك عاجزة
عن التعبير عن مدى
اعجابي بهذالقلم
الذهبي
واعجابي انها نابعه
من قلبك من احساسك
المرهف ومشاعرك الرقيقه
عزيزي
الحرف ابدعته بقلمك
وباسلوبك الراقي
ايهااااا الراقي
سيدي
اترقب جمال حروفك
بشووووووووووق
فلا تحرمني من هذالجمال
فلقد اصبحت من عشاق هذالقلم
وسوف كون دوما هنا
انتظر قلمك
اعذرني على الاطاله
ولكن كان من سبب نصك
اختك
فلهااااااااااااااااااااااا
اخي العزيز الفارس الاول
,,,قلم مميز,,, وشخص مميز ،،،وكتابة مميزه،،،
تنبع من قلبك واحاسيسك
يسعدني ان اتواجد في صفحتك
التي دائما تكون رائعه بكلامات اروع
ارجو بان تواصل مسيرتك وتثبت انك مميز
وان تبقى كما عهدتك دائما رائع
بقلم رائع
تشكر اخي على هذه الروعه
فلها وربك يحلها همسه دلع
وليف السهر تحيه وتقدير لهذا المرور
وهذا التواجد في صفحتي له دليل
على ذوقكم الرائع واحساسكم الاروع
وما زاد من اشراق الكلمات حضوركم
ومازلت احاول الوصول الى جزء من
ذوقكم ورقة مشاعركم الجميله
والابداع لايأتي الا منكم شكراً لكم
واتمنى من الله لكم التوفيق
تحياتي وتقديري
همســـات حــزنـــي
