لمسة هبال !!!!
كم من جميلٍ يـوم حاكـاك عفتـه=لا ذوق لا منطق ولا حـس واقبـال
وكم واحدٍ باسبـاب حكيـه عشقتـه=وبشوفته عفت الحكي والهـوى زال
وانت الوحيد اللـي سمعتـه وشفتـه=وابهرتني في حسن زولك والاقـوال
لامن هرجت اسلوب هرجك بدعتـه=ولامن نظرتك قلت يازيـن الازوال
عـرش الرجولـه ياحياتـي ملكتـه=فوق الحلا زيّنـك ربـي بالافعـال
القلب مـن كـل المداخـل ولجتـه=عجبت لامرك كامل بكل الاحوال !!!
وغيرك على بيبـان شفـه تركتـه=يرعـى الامانـي ويْتعلـل بالامـال
مثلـك لـو انـه ماطلبنـي طلبتـه=واسعى واكسّر قيد ضرفي والاغلال
وبفنون وصلي - لاتهيا - سحرتـه=وانسيه بنت العـم والجـار والخـال
بانسيك كل اللـي بعمـرك عرفتـه=يوم انت في دنيـا المحبيـن خيّـال
بتعيش حـبٍ مختلـف مـا خبرتـه=باضفي على حلو العقل لمسة هبال !!
اللي بنفسك لو - حيا - ماعرضتـه=باقـراه بعيونـك والبيـه بالـحـال
وتصبح على حلـمٍ بنومـك نسجتـه=وتمسي بخير وهاني وطيـب الفـال
بادمج خضوعي لك بعـزي وسمتـه=ثم بخضوعي لك على العز باختـال
والحاجز اللي مـا لغيـرك كسرتـه=بعيـد بنيـانـه واقفّـلـه باقـفـال
عالم بصدق احساس روحي عمرتـه=لافيـه مخـراجٍ ولا فيـه مدخـال
شعبه غرامي وانت طـوعٍ حكمتـه=قد شفت بنتٍ توجت طوع رجـال !!
وان كان لـك ذنـبٍ قديـمٍ غفرتـه=واذهلك بالغفران واجزيـك بوصـال
والبِسك ثوب هيام مـا قـد لبستـه=وارمي ثيابٍ باليه صـارت اسمـال
ثـم اسألـك لامـنّ قلبـك سكنتـه=وصل العذارى كلهن يشرح البال ؟؟
لا والذي لولا الهـدى مـا عبدتـه=( وما كل رجالٍ يعيضك برجـال )
1
.gif)
لمسة هبال !!!!
العرض العادي
