تنبيه فقط .. القصيدة خاصة وليست عامه .. وليس من راى كمن سمع..
وهي في شرذمه قليله لا تعد على الاصابع.
قال النبي صلى الله عليه وسلم
"لا تزال طائفة من أمتي ظاهرين على الحق لا يضرهم من خذلهم حتى يأتي أمر الله وهم كذلك "
البارحه ما نمت من قرصة الداب
سمه مع الشريان للجسم ذايب
طار المنام وبلل الدمع الاهداب
وزادت على قلب المعنا مصايب
وقام يتطوى يضرب الفكر بناب
سمه جرا بين المعاليق صايب
ما هو بسم ن للحنش سم الاقراب
سم القريب الي تناسا القرايب
جرح ن جرحنيبه ولليوم ما طاب
ولا تشرهون ان قلت ماني بطايب
قد قالها متعب ولا ضن ينعاب
(بعض المعارف معرفتهم نشايب)
دنيا غريبه فرقت بين الاصحاب
دنيا ن تفرق شمل حتى الحبايب
مات الوفا يا عناد بيدين الاغراب
أركز على قبره طوال النصايب
مرحوم يومنه طمع فيه الاجناب
يبا بياض الوجه والوجه خايب
لخطاك داب الوقت مخطنك ذياب
ألين تصبح في رجاء الوقت عايب
يا شينها لا جاء هل الدين فحزاب
وكل ن على ربعه يسوق الركايب
هذا يقول أفلان جاهل وكذاب
وهذا يقول أنه من الذنب تايب
وهذا يقول أفلان براي ما صاب
ولا يأخذ بنصحه ولو كان صايب
وهذا يقول أفلان منهجه الاحباب
جماعه التبليغ شين النسايب
وهذا كثير الهرج يكره وينعاب
لا ما يطبق فمه غير الغصايب
وهذا رفع سيفه يبا قطع الارقاب
فكه علينا إبليس ضمن الكتايب
وهذا من الفتنه طبع خلفه الباب
يدعي عظيم الشان والدمع رايب
وهذا على الزلات بالفاس حطاب
حطاب ليل وشال معه الشوايب
وهذا على الكلمه يدقلك منساب
وينشبك في كثر الدعاء والطلايب
ويعقدلك الهرجه بعد شد الاطناب
ون ما نصب خامه يشب الشبايب
وهذا ليا جيته يناولك الاعجاب
وإن كان منت بفيه ولا انت غايب
من عادته حش العراقيب يغتاب
دائم على المقفي سريع اللهايب
لا ترحمه يالله يا رب الارباب
عساه عن رحمتك مبعد وهايب
والفرق واضح بين عاقل ونصاب
لكن مخلي جاهل العلم سايب
توي صغير السن والراس ماشاب
لكن عقبه كني اليوم شايب
يوم ن ضني فيك يا عناد ما خاب
ماهمني لا جاء سموم وهبايب
أنا أشهد أنك غير عن كل الاصحاب
وأنا أشهد أن صحبتك ترقاء السحايب
ما خاوي الا قرم صنديد وعقاب
لا ما ثنيت الرجل عند الزلايب
يوم ن ورع الاش ملبوسه الكاب
يفداك لو رزقه على امه وهايب
ما باقي الا تلبسه بشت وحجاب
ملعون ابو جده لعين الصلايب
الموت قافينا ولا عنه مجناب
والعمر يمضي والليالي عجايب
أعمالنا يا عناد في صفحة كتاب
وكل ن على أعماله يحصل ضرايب
يالله مدام الخلق من طين وتراب
وجمعتهم ما بين صلب وترايب
أغفر ذنوب الي من الذنب قد تاب
أليا نحفر قبره وحطو نصايب
.gif)
البارحة ما نمت من قرصه الداب
