كنت مكسور خاطر .. واسهر الليل دايم
كنت لا نمت لحظه .. عفت نومي ليال
كنت في حب اعز الناس .. بالقلب هايم
هي وكاد .. رحلت لكن بــقــت بالخيال
كنت اعاف اجتماع اهل البلد ..والعزايـم
وكنت ما اسمع لـهـم لـو يـكـثرون الـجـدال
والتقينا ..على ميعاد ..والجو..غايم
حين جـتـنـي رفـيـقـتـهـا ..وقـالـت تـعـال
قابل (.؟.) في معزل عن اهل النعايم
عانها جـالـسـه يـابـن (.؟.) شـمـال
والفرص..ما تجي دايم بوقت الـعـزايـم
قلت هي وافقت ؟؟ ..قالت على كل حال
ورحت احث الخطا.ملهوف للشوق رايم
ما هـقـيـت انـهـا بالفعل ..سـهـلـة مـنـال
شـوفـهـا كان من ضمن ا لأمور الـعـظـايـم
وكنت اعرف ان شوف (.؟.) شي محال
وانطحتني تبختر ..ضامها شي ضـايـم
اوقفت لي ..وقـوف الـلـي ربت فـي دلال
قلت يا مرحبا ..لو كنت عاتب.ولايم
ليه تجفين .. قالت ضاحكه ..بالعدال
قلت من طوَل الـغـيـبـات جـاب الـغـنـايم
. قالت ابشر ..فـداك الـروح يـابـن الـحـلال
قلت نومي مجافيني..وعن الزاد صايم
قالت ادري بـحـالـك ..بس مـالــي مجال
قـلـت ربـــي يـبـارك بـالـولـد والـتـمـايـم
من خلال العزيمه ..شفت ضـافـي الجمال
وضحكت ضحكة ٍ حلوه ..وفزيت قايم
قمت مـن نـومـي الـلـي تـم فـيـه الــوصــال
واثـر كـل الـذي شاهدته..احـلام نـايـم
لكن ارجي عسااااه يصير للخير..فـــــال
كنت مكسور خاطر .. واسهر الليل دايم..!
