سامع الصوت ده
حاسس الصرخة دي
دا صوتي أنا
دا قلبي أنا
دي صرخة مشتاق
مش ليّ حق أدوب وأحتار
وأعيش سرحان ليل ونهار
مش أنت اللي أيديك رمتني في النار
مش قلبك طردني وبقيت من غير دار
فين كلامك زمان
فين احساس الأمان
قلت انك رايح يومين
قلت أنا الله يعين
قلبي الفقير المسكين
هايدور يشحت علي حب علي نظرة عين
قلت انك مجروح عايز ترتاح
قلتلك هو أنا السبب في الجراح
رديت انت وقلت اللي راح راح
حبيبي هو أنا السبب
في جرحك في حزنك في بعدك
لو أنا السبب
دا أنا أضرب في نفسي لغاية ما يبان لي صاحب
وعارف هاصعب عليك ما انت وحدك بس الصاحب
وبوعدك لما ترجع
اني أفتح باب قلبي واقول أقول اتفضل معاليك
وأرش مية الشوق تطلع ورود حب تقطفها بايديك
ولا تبقي حاجة فيه ملكي لكن الكل ملكك والكل ليك
نفسي حبيبي تسمع
نفسي حبيبي ترجع
قبل ما قلبي يولع
أديني قلتلك
وفسّرتلك
صراخي
صراخ المشتاق
منقولة لروعتها
اتمنى ان تنال إعجابكم
مع تحيتي الدمعة الحزينة
.gif)
صرخة مشتاق ....
