لحظة طيش
بلحظة طيش مجنونه عشقت وقلبي زودها
عشقت وحالتي حاله وشلت اللي يهد الحيل
اجافي النوم والصحبه وكل الناس اجردها
وكني عايشن وحدي وسط دنيا طواها الليل
وقولة آهـ آهـ وآهـ لساني دوم رددها
سهرت وطيفها حاضر واسمي فى مداها ويل
حسبت ان الهوى فرحه حسبت وغيري بددها
ابيها الله يشهد لي اباعد كيف انا واميل
فديتك يالغلا قرب بساعة فرح حددها
وخلي الصوت لي يسحر يسافر بالحشى كالسيل
وثيقة عهد من يدي خلاص القلب عمدها
وصوبك والله ما ارجع وعدوي فى دروبك خيل
تقلي شهر لك مهله وانا الايام اعددها
وحتى الثانيه احسب واضم الهم انا واشيل
ويا رب السما اطلب بها الايام مددها
وذا حان الفراق انصف وخذ روحي وكيل الكيل
انا من شافني اتحسر وقالو صار يعبدها
وانا والله عاشقها ويمكن ذبت فيها حيل
صبرت وكنت اترصد متى يا ناس مولدها
تربت فى كنف عزن وشامخ فى شموخ اصيل
سنة الفين زيد ثمان وشهر الحب موعدها
تلاقينا على الموعد وطعم الحب شهد وهيل
وبلحظة طيش مجنونه عشقت وقلبي زودها
عشقت وحالتي حاله وشلت اللي يهد الحيل
|
