الاخطــــــــاء في المجتمع .. وتصحيحهـــــــا

تركي

لاحظت وانا امشي في الشارع والاالمجمع وإلا الاماكن العامه وجود أخطاء سلوكية في حياتنا ...


فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ...

بسم الله نبدأ ..




خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالحول ..







خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد الليلة ...

ثم ..

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..






خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

ثم ..

طلع راسك مع الدريشة ... واضحك ..








خطأ :قاعدين انتي ويا البنات ... وعندكم علب بيبسي ... وطلعت تبي تغسل ... وتقوم رفيجتج وترج العلبه ... ثم تيي تبي تفتحها .. ثم تطيش بوجهج ... ويضحكون عليج .. فتقولين ... هههههه الله ياخذج والله لارد لك المقلب ..

الصحيح : تمسكينها ... مع ريولها ... وتصبخينها بالارض صبخ ... وتييبين قوطي ببسي .. وترجينه رجا مبرحا ... ثم تفتحه بوجهها ...

ثم ..

تقولين لها لاصرت أختج الصغيره ... والا تمونين علي .. امزحي معي هالمزح ... وهالمرة بسمح لج عشان خاطر الموجودين .. والا تدريين ؟؟ !! ...
ثم خضي العلبه... وحطّيها بمخباتها ... وقوليلها لاتطلعها من مخباتك الا اذا رحنا ...





خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك بلكّه ... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... همن ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...






خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني







خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : دق على محل ستالايات ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب 15 دش .. الليلة ..
ثم واصل للصبح ...







خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟


الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...







خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم


الصحيح :المفروض تكتب اذا طولت هذا شيء راجع لى وبكيفى وإلا من قال لكم تقرون موضوعي



تحياتي
تركــــــــــي

ذبحـ الشـوق ـني

اللهـ يعطيــــــك العافيـــــــــــــه

اخــــــــوي الغالـــــــي

تــركــي

علــى المجهــود الطيــب والاكثــر مـن رائـــــع ،،

بــــارك الله فيــــــك علــى كـــل مـــا تقـــــدم مـــن عطــــاء مميــــز ،،

اننتظــر جديـــدك بكـــل شـــــووق ،،


لــــك كــل الشكــــر ،،


تقبـــــل مــــروري ودمـــــت بــــود ،،


ذبحـ الشـوق ـني

تركي