[ قدام لاشق ثوبـــــــــــي واقطع زراره
ياعين هلــــــــــي دموعك لاتكفيها
ابرفع الصوت وانادي علــــــى ساره
بجاوبك بالحنـــــــــــــين الا بكيتيها
مانيب صابر وقلبــــــــي تشتعل ناره
الصبر مافــــــــاد بجـــروحٍ مخفيها
صبرت لينٍ راسي كثــــــرت افكاره
وملت عيونــــي من الدنــيا وما فيها
ضاق الفضا والوطا والبحر وانهاره
ولاعاد انا اذكر سواةٍ لـــي واسويها
قسى علي الزمان وحكمت اقداره
دنياي صبت على راســــي بلاويها
فارقت من كان وسـط القلب مقداره
بنتٍ من الروح والخفاق مغلـــــيها
حبيتها حب وسط الجسم تـــكراره
حبٍ عروقــــي عن العيشه مغذيها
انا وهي مثل قلب الام وصـــغاره
يعني ابرحل من الدنيا وانا ارجيها
من يوم صدت وحالي تحرج اخباره
حالٍ يحيرالطبيب اللـــــي يداويها
اذا طرت يختلف ضغطي عن اعياره
اغشى ويغمى علي لاحل طاريها
خيالها قدم عيني ليل وانــــــهاره
وانمت بالحلم نور العـــين الاقيها
ملعون هالوقت والايــــام غداره
خلا العوض عقب ساره ذكر ماضيها
عايش على ذكـــــر ماضيها وتذكاره
ياسعد من شافها والا يحاكيهــــــــا
جمــــــــــــالها يجبر الدين بكـــــفاره
لوهو نظرها مطـــــوع مايخلـــيها
في عينها سلاح وبخزاتـــــــها غاره
والشهد حمر الشفايف ذايبٍ فــــيها
والشعر الاشقر وخاصرها ودواره
وخدودها ورود والوجنه تضويهــا
مانلام فيها حمد لو يكـــتب اشعاره
لو ينظم الشعر يفدنه مواطـــــــيها
وفدوه لها الكون باسلامه وكفاره
اغلاهم الروح وارخصهم معاديها
هذا وبلحف بربٍ تجـــهل اسراره
لاموت مامر يــــــــومٍ فيه ناسـيها
وحرام بالله ماعشق غيرها ساره
لو المزايين تمسكــــــــني باياديها
.gif)
ساااره............"
العرض العادي
