*·~-.¸¸,.-~*مــــــــــــــايـــــــــــــــك المنتدى*·~-.¸¸,.-~*

ميريانه

انا وشهاداتي

انا معي شهاده رخصه قياده الحاسوب الدوليه
وشهاده من مركز شبابي متطوعه يعني
وشهاده فتوشوب
وشهاده A+ صيانه حاسوب

وان شاء الله بشهر 9 رح بلش بدروس الرسم المعماري بمركز التاهيل المهني

يعني بالمختصر عندي حب الحصول على الشهادات
وانسيت انا متطوعه بمركز شبابي وبعطي دروس للحاسوب للطلاب المدارس
وكنت اعطي دروس انجلش ورياضيات بس هلا بطلت انشغلت بالجامعه المفتوحه




المهم حلمي بالحياه ايكون عندي محل للبيع الورد الطبيعي والبالونات
عنجد احقق هاد الحلم والحمد لله بكون انا في قمه سعادتي لاني بعشق الورد وبالاخص التولييب يعني مستعده اضيع كل فلوسي على شراء الورد وبكون بدفع وانا مبسوطه اكتر ما اشتري الي تياب

ميريانه

انا وفلسطين

فلسطين بلدي وروحي وكل عمري
يمكن الكل بفكر انو احنا بلد مشغول بالحرب والمشاكل صح في منو هالحكي لكن يلي ما بتعرفوا انو فلسطين بلد كلها خضار وطبيعه روعه اشجار سرو وصنوبر وبلوط وسنديان بتكون مغطيه كل الاجبال والبحر صح مش النا حاليا بس روعه وقمه الجمال وجمال عكا لا يوصف بالقلاع الاثريه على زمن الصليبيين
وغير هاد كلو
فلسطين من اكتر البلاد يلي بتهتم بالتعليم وبالذات تعلم الفتاه من وجه النظر انو الشباب عنا حياتهم صعبه اما السجن او الموت او الهجره والبنت افضل سلاح الها عنا التعليم يعني بتتفاجؤا انو في عائلات الها 4 او 5 بنات كلهم متعلمين جامعيا او حتى عنا البنت بتتزوج وبتكمل دراستها الثانويه والجامعيه
والمراة في فلسطين الحمد لله الها حقوق عنجد اشي بيرفع الراس يعني عنا المديرات الوزيرات يعني حاليا عنا معظم الوزارات لرئيس فيها بتكون ست وهاد بدل على ثقت الشعب بمجهود المراة وانا بتفاجاه انو في بلاد ما عندهم هيك
يعني صعب البنت تتطلع وتسكن بسكن جامعي ببلد تانيه للدراسه بس هاد عادي عنا بس اكيد في ناس ما بتقبل يعني مش 100% واطلعوا على الدول يلي ساكنين فيها بتلاقو في كتير فلسطينين متعلميين وواصليين والحمد لله وعندي خبر انو في فلسطيني كان او من عمل لغه البرمجه بالعربيه واتاكدو من كلامي رح تلاقوا حقيقي واكيد كل العرب خير وبركه وعلى الراس والله

المهم رغم كل يلي شفتو بحياتي من حروب وقتل الي اني بعشق بلدي وما بفضلها بكنوز الدنيا والحمد لله على كل حال

ميريانه

هواياتي

اول شي بحب الرياضه بكل انواعها بس اكتر شي الركض والدراجه الهوائيه
والسباحه ازا صار معنا مجال وانست واتمرج على المرجوحه كل اسبوع بس يكون الطقس حلو بروح على المنتزه اتمرج ولو ختيرت وصرت عجوز رح ضل اتمرج هيك بضل احكي

وبحب الرسم كتيرررررررر اكتر شي بهدي اعصابي الرسم بحب الرسم التجريدي وعندي خبره كويسه فيه
وكمان بحب اكتب الشعر وعندي صار دفتارين الي من اشعاري يعني عندي قصائده 3 او 4 صفحات
رح اكتب شي بس راجع

وبحب اتامل بالقمر لدرجه ما حد بيتصورها يعني بعشق اني اتكلم مع القمر حاليا هو صديقي الغالي ويلي بحكيلو كل همومي لما يكون برد بنزل تحت بالحديقه عنا وبين الورد والشجر وانا والقمر لوحدنا وبحكيلو عن حزني او فرحي والمهم انو ما بيحكي لحد عن الاسرار

وكمان بحب الطبيعه كتير يعني بفضل المشي بالطبيعه والعب بين العشب واركض انا صديقتي اغاليه وجارتي كمان
كل جمعه بنروح على المنتزه والطريق كلها اشجار واعشاب روعه طبعا بنروح مشي علشان انطول المشوار ههههههه

ممم شو ضل احكي
الاغاني اكيد بحب اسمع اغاني العربيه والاجنيبه
واكتر اغنيه اجنبيه بحبها وهلا بسمع فيها I’m Alive ل سيلين ديون

روعه بنظري
تفضلوا هاد رابط الاغنيه
http://www.6r63h.com/music/en/Celine-Dion/19.rm

وبحب من العرب
اليسااااا

بس اليسا كل اشي اليسا ما بتراهن عليها بالنسبه الي
يعني المغنيه المفضله عندي
وبهديكم اغنيه بحبها كتير
بستناك

وفيروز اكيد طبعا كل اغانيها
وعبد الحليم باغنيه سواح

وفضل شاكر
يعني كتار يلي بحبهم ههههههههه

ميريانه

انا والشعر

بهديكم هالابيات يلي دايما برددها وهي الي طبعا بس افهموها منيح

بعينيك تولد اعظم احلامي وبخضار ارضهن تدفن
خلف وهم غرامك اسافر لعالم لا وجود له واغرق ببحر دمعي بعد ان ينزل ستار الواقع واصدم
اقبل بان اجازف في رحلتي الفاشله معك

على اجد بين بقايا مذكراتك الميته لي مسكن


يعني رح حبك بلكي بيوم بتتزكرني مو اكتر
طبعا ما في حد بقلبي هلا خالي وراضي

ميريانه

وهذه بعض كتباتي وبهديها لعضو بالمنتدى مش مهم تعرفوا المهم انا بعرفوا
وهو ما بيعرف


طيش امراه
بينما كنت قد اعتدت على روتين حياتي
وقد فرحت بالمشي في عتمه الايام
ظهر رجل من اقصى البعد
حرك فيي جنون وطيش لم يعهده قلبي من قبل
قلب حياتي وغير ايامي مع اني لم اراه بعد
مع انني لم اتمكن من الحصول على تفسير لبعض من ملامح محياه
مع انني لم استطيع ان احفظ سنفونيه صوته وطريقه كلامه
الا انه قد دمر كياني وانساني ماهي احزاني
جعلني ارضخ بان اذل نفسي اليه
وهو بكل بساطه وسخريه
لا اسمع منه الا ضحكات شيطانيه
لكن من حسن حظ قلبي
بان هذه كانت نوبات طيش لا اكثر
نوبات جنون قد كتبها لي القدر
وها انا بسرعه اكسر حدود الحب واتحرر من طيشي
لا اعود لسابق عهدي
في الصباح ضحكه مزيفه
وفي المساء دمعه مختبئة بين جفوني
ولكن انني سأبقى سعيده
ما دمت احادث القمر اخاطب النجوم
وما دمت ارقص رقصات رومنسيه مع الورد والزهور
وما دمت انام واستيقظ على نغمات البكاء
انني سارمي بزيف مشاعري خلفي
وسامضى بحياتي
معه او بدونه لن يتوقف القدر
هكذا قالها قلبي


بتمنى تعجبكم