وش يرضي الناس ؟‏

نونا الملسونا · 11-5-1429هـ, 01:37 صباحاً

السلام عليكم ..}

الناس مايرضيها شئ ..

وكل همهم الناس اللى حولها ولا يهتمون بنفسهم ..

وكل يراقبون الناس وينسون يراقبون نفسهم ..

ومافي شئ يشغلهم عنك ابدااااااااااا ..

ويهتمون لاخبارك اهتمام عجيب وتقول الحين بيجيون يساعدونك …!!!

*ان طلعت واستانست
قالوا :- طلع ومستانس وفرحان

* وان جلست بالبيت

قالوا :- مايروح ولا يجي حاط هموم الدنيا على راسة

* وان ضحكت ..

قالوا :- لا مافية شئ جالس يضحك

* وان صحت

قالوا :- مكبرين السالفة ويصيح

* وان جلست تسولف ..

قالوا :- والله طاقها سوالف ولا همه شئ عادي ..

* وان جلست ساكت بدون ماتتكلم ..

قالوا:- ساكت ولايتكلم يزهق الواحد .

* وان شافوك لابس وكاشخ

قالوا :- كل بالاسواق يدور ويشتري ..

* وان صرت مبهذل

قالوا :- مايهتم بنفسة وحالته حالة ومايعرف يترتب ..

وان قتلهم عن شئ تعرفة وصرت زي مايبغون على شان ترضي البشر

اسكتوا ومامدحوك لانهم يدورون عليك الشئ الشين ويدورن عليك زلة ..

واخر شئ يصكوك بعين وسدحوك في اقرب مستشفى

تحياتي لكم :

الطائر الابيض · 11-5-1429هـ, 01:53 صباحاً

شكرا جزيلا

بارك الله فيك

مجروح بـلا ألم · 11-5-1429هـ, 02:05 صباحاً

صدقت والله أختي نونا
مهما سويتي ومهما فعلتي الناس مايرضوا بأي شي
لكن في الأول والأخير الواحد يتعامل مع الناس بطيب أصله وفصله
لأن لايعجبهم العجب ولا الصيام في رجب
واللي مو عاجبه أحلى 4 جدران موجودة
ننتظر منك الجديد
وتقبلي مروري المتواضع

أخوكـ
مجروح بلا ألم

نونا الملسونا · 11-5-1429هـ, 02:08 صباحاً

تشرفت بمروركم القيم

رمزالوفاء · 11-5-1429هـ, 02:41 صباحاً

مو يقولون لك رضا الناس غايتن لاتدرك..................يعني مهما سويتي بتبقين مقصره في حقهم
يعطيك العافيه موضوع رائع جداً سلمت يداك.

وش يرضي الناس ؟‏

الحب العام