تعودني عليك ايام00
تعودني عليك ايام ابد ما افارقك ليله
.......واذا عنك اروح اليوم اقولك نلتقي باكر
تعودني على لطفك واسلوبك و تدليله
.......وتتوقع انا بحيا بدونك يوم بتسافر
انا ما ودي اشكي لك ولكن قلت الحيله
........اليمه فرقتك والله وانا ع البعد مب قادر
دخيلك اجل الموعد اذا تقدر ع تأجيله
........دخيلك حط دمعاتي في عينك قبل ما تسافر
يا شين الوقت في بعدك دقيقه كنها ليله
.........شيصبرني وانا احبك ومثلك وفي البشر نادر
تعلق قلبي بقلبك يسمع منه ويحكي له
.........تدلل قول بس إطلب اقول لك غالي وحاضر
انا مدري اذا قلبي رفض يصبر شسوي له
.........تخيل حالتي بعدك انا إتحطمت ع الآخر
اكلم نفسي فغيابك الوم القلب واشكي له
...........واصبر نفسي بالقوة وآقضي الليل وانا ساهر
تلاقينا فبعض صدفه سولف لي وانا واحكي له
.............ومن اول نظرة حبيته وصرت لشوفه ابادر
ذبحني السحر فعيونه يا ويله قلبي ياويله
..............انا افهم لغة العيون ولكن صرت مب قادر
انا اتمنى قبل لايروح يلمس دمعي منديله
............ابيه يحس بإحساسي ابيه يقول لي تامر
ابي حضنه يدفيني خليل يودع خليله
.............واقول بصوت به شهقه...فمان الله يامسافر
وارجع م المطار وحدي يشلني الهم واشيله
...........شيصبرني انا شهرين وهو بس توه مسافر
عزاي انه اخذ قلبي في وسط عيونه يشيله
...........وانا اصبحت في بعده وحيد واكسر الخاطر
|
العرض العادي
