ابن خر الذيب هو الشاعر راشد بن محمد العجمي
ابو الشاعر ابن الذيب الي طلع في شاعر المليون
مناسبة قصيدته هذي انه كان يعمل في ارامكو
ويوصل الطرقيه اللي في طريقه
وقد حذرته الشركه من استعمال سيارة الشركه للتحميل
وكانو يظنون انه يكد عليها وهو في الحقيقه راعي جميله
المهم جاء يوم ولقى عجوز على الطريق ووقف لها
وقالها اطلعي بسرعه . لكن هي معها حلال (غنم)
قالها مااقدر اطلع غنمك انا مستعجل
عاد قالت له العجوز روح الحين يجيني ابن خر الذيب يوصلنى
وهي ماتعرفه ..............
بعدها قال
حالفٍ ماخذ على الطرقي ريالـه
لالقيت اللي على السكـة لحالـه
أوقف الموتر حيا وأبي الجمالـه
الطمع في كروة الرجلي رزالـة
والردي في حالة ماهـي بحالـه
الردي لو بـان مايذكـر عمالـه
أركبه لعيون مـن زيـنٍ دلالـه
مابغى غيري وانا مابغـى بدالـه
الولد وان طاب قالوا :من خوالـه
الولد وان طاب طيبه من خوالـه
أشرب الفنجـال واكـب البيالـة
ولاقعدنـا بالعمـل بنـا الرزالـة
قال خر الذيب من هاجوس بالـه
قالهـا يومـه طرالـه ماطرالـه
غرني بعض الرجال بكثر مالـه
كيف ينفعني وابا(..........) خاله
ناس وين اللي عوايـده الجمالـة
الثنا والجـود دايـم فـي خيالـه
جـوّد العليـا ولزمّهـا عيـالـه
واهني من باع حظه واشترى لـه
موقفـه ماكـل رجـال ينـالـه
كم ذبح من حايل من حـر مالـه
أبن الذيب مع العجوز ( القصة مع القصيدة) لا تفوتك
