اهيم بخاطري وابقا علي ذاك القـا ولهـان
عسا الخاطر ينسيني عنا عمري ولو ليلـه
ولا مني نويت انسا ظهر لي رمشها الفتـان
علي وضح النقا يبرى وانا ملـزوم اباريلـه
ولاشك انها نعمه من الله نعمـت النسيـان
نسيت الناس والدنيا وعايش مـع تماثيلـه
مع العالم بشخصي دوم قلبي عندهاسهـران
ولو ناظرت للواقـع احـط الهـم واشيلـه
افكر في محيهـا وانضـم فالهـواء قيفـان
واقول الشعر من شانـه بأوزانـه وتفعيلـه
وربعي مادرو عني وقالـو داخلـه شيطـان
عسا ربي يسلمنا مـن ابليـس واتهاويلـه
وشالوني غصب عني لي اهل العلم والقران
وقالو مابه العلـه ولا بـه جـانً اتخيلـه
ومرو بي علي كل الاطباء دون ما نقصـان
وحتي طبنا الشعبي نصـوه وقلـت الحيلـه
هنوفً هزت اشواقي وعفت الاهل والخـلان
وعفت الواقع الحاضر وعشت الحلم وتضليله
ولو حطيتها بكفه مع القمره علي الميـزان
يطفي نورها القمره وترجـح كفـة الكيلـه
بعد هذا يلموني علـي فكـرً بهـا هيمـان
عسا من لامني يبلا بنظـره فـي تشاكيلـه
خيالي ساهين فيها واكيد اني انـا الكسبـان
اعيش ابها العمر كله وغير فـي تفاصيلـه
وجدان الخيال
العرض العادي
