قالهم انا بحبكم ... وغرضى الاستثمار .... قالوا ياترى هيزود انتاج الخيار ؟!!!
السلام عليكم ورحمة الله ... قصة جميلة اسردها لكم
فى زمان غير الزمان ومكان غير المكان .. عشان وعشان وعشان ... كان فيه ناس طيبين .... عايشين متفاهمين ومتحابين .... وفى يوم حضر ليهم ملك متكبر وظالم . قال لهم انا انسان زيكم وبحبكم !! ... لو جربتو حكمى هترتاحوا من كل همومكم ... الناس كانوا طيبين وبسهولة عايشين ومبسوطين ... بيناموا وهم مرتاحين .. ولبكرة مطمئنين .. ان ربنا موجود وهو سبحانه الرازق المتين ... صدقوه وجعلوه عليهم ملك اصلهم مايعرفوش الكدب ولا الكدابين ... اول ماعمل قالهم انتم ليه مش غنيين ؟؟؟؟ ... لازم يكون عندكم فلوس كتيير وتكونوا احسن الموجودين .... لازم نفتح لكم مصانع ونشجع الاستثمار فى بلادنا ... لان دة هو اساس الاستقرار ... استمعوا والناس على مضض وسئلوا نفسهم ... يعنى ايه استثمار ؟؟؟ ياترى هيزود انتاج الخيار ؟؟؟ ... ولا يمكن قصده يصنع مسمار ؟؟؟ .... وفضلت الناس مش فاهمة يعنى ايه استثمار ... اصلهم كل اللى يعرفوه انهم بيروحوا اعمالهم ويتوكلوا على الله ويصلوا على المختار ... لحد مجه يوم وباع فيه الملك كل اراضيهموممتلكاتهم ... ولما كانوا يسئولوه يقول مالكم ؟ ماهو دة الاستثمار ؟ ... ودة عشان الاستقرار !!! ... بقت الناس تبص لبعضها وتستعجب .. ويقولوا يمكن قصده من كده هيخفض الاسعار !!! .... وفى يوم الناس نزلت تروح شغلها زى كل الايام .. وجدوا ناس واقفين على باب شغلهم .. قالولهم بالسلامة انتم مرفوتين .... وفى الشارع متسولين !!! ... استعجبت الناس وقالت مش فاهمين ؟؟ ... ليه انتم عاوزنا من اعمالنا مبعدين ؟؟؟ ... رد الحاكم عليهم وقال الحق على عاوزكم مرتاحين .... تتفرجوا على التليفزيون والرقص و الدش والكورة وتسهروا ..وتبقوا مبسوطين .. قالوا اه يمكن قصده نشترى التليفزيون عشان نشوفه ؟؟؟ ... وهو جايب لنا المسمار ؟ رد عليهم ناس تانيين ... قالوا لا دة قصده يزود انتاج الخيار ؟؟؟ ... قالهم الحاكم شوفوا بقى انتم كلامكم عاد كتيير ... لا فيه مسمار ولا خيار ... واللى هيتكلم بعد كده .. هدخله النار ... وكان عنده مفتى ظريف ودمه خفيف ... كل كلمة يقولها الملك يجيب لها الف افتاء وافتاء ... انها حق وانهم مابيفهموش حاجة فى الدين ... وطاعة ولى الامر واجب وحتى لو نام مكانك فى السرير ؟؟ .... والناس برضه مش فاهمين ؟؟؟ طب هو عاوز ايه ؟؟؟ يمكن عاوز حتة ارض ؟ ولا عاوز مصنع ؟؟ ولا يمكن احنا بنتكلم كتييييير وهو ممنوع عنه الاسبرين ؟ .... شكرا الاخوة الاعزاء وللموضوع بقية .... فاارس الاحلام .... حصرى هنا فقط ... والسلام عليكم ورحمة الله .
|
.gif)
رد: قالهم انا بحبكم ... وغرضى الاستثمار .... قالوا ياترى هيزود انتاج الخيار ؟!!!
