نامت اعيونك وصدري بات طول ( الليل) ضايق
إرحميني ياهجوسي مـن الهايـب والحرايـق
دام شيطان الهوا يلعب براسـي مـن عشيـه
لاتحدينـي علـى شنـق الحبايـب بالعلايـق
دام نفسـي مالهـا فـي نورعينـي مقدريـه
الحبيب الي قطفت أزهار حبـه مـن الحدايـق
ساعـة فيهـا تلاقينـا وقلبـي فـي يـديـه
طوقتني مـن عناقيـد الغـلا والعقـل رايـق
وأعطت الولهان من كأس المحبـة سـم حيـة
وانكسرمصباح حبي مـن عيـون أم الفرايـق
وانقطع حبل الوصل مـن دون ذنبـا اوخطيـه
ليتني قبل أعرفك يابنت جـاء للقلـب عايـق
كان مادونت شعـري فـي اليالـي السرمديـه
نامت اعيونك وصدري بات طول ( الليل) ضايق
مهتني نومك وانا عيني مـن اسبابـك شقيـه
وأنقضي ليلي وأنا محتار في كشـف الحقايـق
والهواجيس ألعبتبـي بيـن روحـات وجيـه
تهت في غبة بحـر حتـى ابتلينـا بالشرايـق
والعيون الناعسة زادت جـروح القلـب كيـه
آه من حبا سطا فالقلـب سبـب لـه سحايـق
والظنون أرست دعائمهـا وخلـي شـان بيـه
بحـت مكنونـي لخلـي بالدلايـل والوثايـق
وإنتثر دمعـي مـن عيونـي جـرح وجنتيـه
وأعتبر دمعي خيانه له وشـي ماهـو بلايـق
للـذي مثلـي يمثـل دور حـبـه بالخفـيـه
مادرى بأنه سكن فالقلـب مـن دون الخلايـق
لكن الخاين يحسب الناس مثلـه فـي الهويـه
من غلاته ماسقيته غير مـن عـذب الشنايـق
لكـن أغلـق بـاب قلبـه وأتهمنـي بالرديـه
وانطوت صفحة حياتي مع حبيبي فـي دقايـق
وانتهينـا مـن علاقـات الـغـرام الأولـيـه
|
العرض العادي
