أدري وحشتك يابعد عمـر مغليـك
............ أدري وأداري بالغلا وانـت داري
أدري ولاغيـري بحبّـه يـداويـك
............ وأدري بدوني صالي الشوق نـاري
لذ النظـر تلقـى عيونـي تباريـك
............ بالدمع غرقى لا لفى منـك طـاري
المشكلـه فـات العتـب مابيمديـك
............ تركت قلبي بين الأشـواك عـاري
ليتك سمعت انفاس حبـي تناديـك
............ والهمس غنى ياهـوى البـال داري
وش عاد لوجاك الخطا من محاكيك
............ دامه حبيبك واجب تكـون شـاري
بعت الهوى ( عزّه ) ولانيب راجيك
............ بنيت سورك والنهر كـان جـاري
بالله....ماهاج الشعر مـن محانيـك
............ ما فز جرحك في صفا الليل ساري
إكتب ولابه بالبشر مـن يجاريـك
............ لون المحبة في شعـورك عـذاري
وارجع فديتك بالهوى من يساويـك
............ ارجع واداري بالغلا وأنـت داري
اتمنى تعجبكمـ
ادري وحشتــــــكـ <<
